Chin State chung ah kawl ralhrang hna nih CNA/CDF an tei lo ruang ah zeihmanh sualnak angei bak lo mi Pathian riantuantu hna an thah le mei dawh asi,

Myanmar Military nih nawl ngeihnak an lakh nu thla 11 hrawng asi cang, ralhrang pawl nih sualmak ngei lo mi Pathian ram caah riantuantu Pastor 5 an thah cang hna, cun 4 hna cu hremnak phun kip intuarter peng rih asi atu ah an dir hmun taktak hi fiang in thei khawh asi rih lo, dam in an chuah lai maw, an thah than lai timi hi chim thiam ahar bak rih ko khi asi, tiah khua chung ah um mi pa fel ngai pakhat nih achim ning asi, mah hna cu Kanpalet, Mindat, Matupi le Thantlang ah um mi hna an si tiah Chin Human Right Salai Za Uk ling nih atu bantuk in achim fawn mi asi.

Military nih nawl ngeihnak an lakh nu ah Khrihfa Leader le Pastor hna hi atu tiang record ning ah cun minung 9 an tlaih chung ah minung 5 hna hi cu an thah cang tiah thei asi, Kanpalet, Mindat, Matupi, Than tlang, pin ah ram leng um mi Magwe region chung um mi hna zong atu bantuk in an tuar ve fawn tiah an ti, Kanpalet, Ohpho khua ah um mi kum 30 leng asi cang mi Pastor U Awm Kee cu December 11 ah khan an in chung ah tlaih asi tiah report nih alanghter khi asi, December 13 zanlei ah Panlaypyi Hotel pawng ah pastor U awm Kee athi tiah ruak cu khua mi hna nih an hmuh tiah ati, alu ah meithal kahnak a um, apaw ah hriamhma angei fawn tiah khua mi pakhat nih atu bantuk a chim mi asi.

N tlaih ning ah bia hal kan duh tiin ahruai mi asi, nain thaizing ah cun lam pawng ah athimi ruak cu hmuh asi, CDF hna nih mah Pastor ruak cu lak in tha tein an vui/phum khi asi, December 6 ah Magwe region Taketaung khua pakhat ah Pastor Salai Ngo Caa cu PDF asi tiah ralhrang nih an tlaih mi asi, mah hnu December 9 ah cun Magwe hospital ah hriamhma tuar in athi fawn khi asi tiah khua mi pakhat nih achim, cu bantuk thiamthiam in Sep 23 ah Matupi Ngaleng khua ah tuan mi Pastor U Ngai kone cu ralhrang nih tlaih asi hawi, an tlaih hnu Nov 17 ah cun Pastor U Ngai Kone athi tiah an chungkhar hna sin ah thawng an thanh piak khi asi fawn.

Sep 19 ah Than Tlang ah Ralhrang le CDF idoh kahnak ah in hna meiu khangh asi tik ah, mah hmun ah akal mi Pastor U Cung Hup cu kah asi caah athi fawn khi asi, ralhrang lei chimrelnak nawl ngeitu pakhat Zaw Min Htun nih cun apheh bak ko kha, Chin Christian Bu Chairman Rev Ngun Thawng Mang nih cun Biaknak lei riantuantu hna an thah mi hi ka duh bak lo tiah cathanh achuah ve fawn, mah bantuk thil camg mi hi cu adik bak lo mi thil tuah asi ati, miphun upat lo le miphun ah buainak chuahtertu asi tiin a chim fawn, Zei bantuk biaknak ngei mi zong siseh pakhat le pakhat upat piak ding kan si ati, atu rahrang pawl thil tuah mi hi Upadi leng asi aho hmanh nih dik an ti lo tiah achim chih.

Ralhrang hna nih nawlngeihnak an lakh nu ah hin Chin ram chung ah CDF pawl kan check lai tiin khua chung ah ning cang lo in sualnak angei lo mi kan Khrihfa tukhaltu Pastor hna nih atu bantuk in anrak tuar mi hi International Upadi kalh in mithah ahmang mi ral hrang pawl hi aran khawhnak chung in Human Right le UN zong nih hm arak kan lak piak ko she tiin arak chim fawn khi asi, Cu long si lo in Mipi hna umnak In hna mei ankhangh piak hna, mi thil an fir hna, atu tiamh ah hin Biak in 30 akan hrawh piak cang tiah Chin Human Right lei nih thawng an thanh fawn khi asi.