Chin state CNA, CDF le ralhrang idoh nak ah ralhrang 4 an thi, Muatpi le Mindat karlak ah ralhrang 5 an thi fawn,USACM-nih Myanmar Act fekter khawhnak ding ah US Senator 3 an ton hna,

Chin ram chung Hakha, Chunchung khua ah military ralhrang le CNA,CDF hna karlak ah idoh/kahnak achuak than asi, mah idoh nak ah hin ralhrang 4 thi in minung 10 nih hliamhma ngei fawn tiah thei asi, Nizan ah khan Military motor 30 – 40 hrawng cu, Hakha khua ah an lut Khua chung ah lut pawl ralhrang hi 40 hrawng an si, mah hna cu CAN/CDF hna nih rak bawh in ikahnak achuak mi asi tiah, CNA thawngthanhtu Salai That Ni alanghter mi asi, Nizan Hakha ah lut mi ralhrang hna chung in nupi fanau hna ngei mi zong an um tiah thei asi, Falam in Hakha lut mi ralhrang hna nih lampi kam ah um mi civil in, Biak in le Siang in hna mei an khangh piak tiah thei asi fawn.

Mindat le Matupi karlak ah Ralhrang le miphun ralkap hna an idoh, 

Oct 21 ah Mindat CDF le Matupi CDF hna fawnh in Mindat le Matupi karlak ah Military ralhrang hna cu meng 78 ah idoh/kahnak a um tiah thei asi, Matupi in akal mi ralhrang hna cu Matupi le Mindat CDF hna he an idohnak ah Ralhrang hna minung 5 thi in, zei maw zat nih hliamhma an ngei tiah theih asi fawn, bomb mine puak ruang ah hliamhma ngei an um fawn an ti, Mindat in ara mi motor zong meng 56 ah vawlei min/landslide ah kal khawh lo in atang ko, ke in ralhrang minung 150 hna cu bawm ding in meng 70 tiang akal tiah an ti, meng 70 ah um mi civil mi In hna an hrawh piak pin ah thil tampi an fir an lak hna tiah khuachung minung pakhat nih atu bantuk in arak chim mi asi.

USACM-nih Myanmar Act fekter khawhnak ding ah US Senator 3 hmuh asi,

Myanmar mipi hna nunnak ah thazang hmang in nawlngeinak alatu, Min Aung Hlaing Fascist Military council cung ah hremnak pek asi khawhnak hnga, US hmalaknak ah Myanmar Act (draft) a taktak ah canter le fekter asi khawh nak ding ah, U.S Advocacy Coalition for Myanmar (USACM)-ah member pathum nih US Senator pathum an hmuh kong theih asi, American Senator Ben Cardin, Steny Hoyer le Senator Jim Inhofe hna cu October 19 ah khan USACM pawl nih an va hmuh ton hna khi asi, mah ah cun US Senator Cardin nih USACM-nih Myanmar Act a tak ah canter ding hmalaknak ding ah, lawmnak bia achim, Myanmar Act Upadi drafting tuah cang mi atak tak ah fekter khawh ding in, Upadi chung ah bia um mi hna cu chim le rel asi tiah thei asi.