Chin state Matupi khua chung ah ralhrang minung zali le zanga karlak cu motor 90 leng he an lut cang tiah theih asi, mino zei maw zat an tlaih than tiah,

Ahmasa news ah kan langhter tawn cang bantuk in Matupi lei lut ding ah ralhrang motor 90 leng le Myanmar Military Council ralhrang minung 400-500 karlak hrawng asi lai tiah thei asi, mahr al hrang hna cu atu ah hin matupi chung ah aphan cang caah cun, mah kawl uico ralhrang hna cu cawlcang cawlh in khua chung minung mino deuh hna cu an tlaih cuahmah than ko cang tiah nihin Matupi khua chung um mi pakhat nih kengkip ah ralring ceu ding ah theihternak cathanh chuah asi, atu ah hin minung zei maw zat an tlaih cang tiah theih asi, amah belte cu aho dah an si timi hi atu ah fiang in thei khawh asi rih lo tiah cathanhnak nih alanghter mi asi.

Atu ah hin Myanmar Military council ralhrang hna nih Chin state lei hi target ngeih in atu ah hriamnam thatha le bomb hna le ration phur motor ngan 90 leng aphan cang khi asi, khuapi hme pakhat ah mah zatzat ralhrang phan mi cu amak ko, an motor hna mah zatzat cu khawika dah an dirter lai? Abik in mipi hna hi zeitluk in dah lung rethei apek lai tim hi asi, tu zing ah mi pakhat nih information anrak peknak ah khan, nan thil tha deuh nan ngei mi hna cu theih/hmuh khawh lo ding ah chiah dih cang u law, nan stil hna cu asi khawh ah cun nan mah hna ei/din ding ah hmang cang u law atha lai, hmai lei ah kan cung ah zei thil dah aphan lai theih khawh asi lo caah atu thawk in ralring te in um zia thiam ceu ding ah nawlnak cathanh asi, mipi lei zong nih kan mah le family ceu ah ralring dih ding in icingken hna kha kan rian pakhat asi ve timi hi philh hlah u sih.

Atu ah hin Matupi peng khuate lei ah khua 10 leng minung hna cu, khua an chuah tak dih cang, stil hna zong CDF/CNA hna nih hlatthlai pah selaw atha ngai ko hnga mu? Kan hnu lei ah minung 10 zeihmanh sualnak ngei lo zong thah duh mi ralhrang hna hi hmun dang I a um CDF hna zong nih Matupi CDF hna hi bawm selaw cei lak in ralhrang hna cu thuat selaw atha ko hnga? Kan ram Area umtu ning lam chukcho hna zong CDF hna nih cun an thei dih ko cang lai, ralhrang pawl hi cu zei hmanh tlang le tiva umtu ning hna an thei bak lai lo, amah belte cu “Dalaan” an um sual than ah cun thil tha lo ngai achuak laic aah, Dalaan hna hi hlathlaitu hna nih bia takt e in mawh phurnak lak ding ah thim hna selaw atha tuk ko hnga?