China acoyah nih Myanmar ralkap Bawi pawl tuanpi ti lo ding in Open letter ram 9 hna nih an pek,

Vawlei ram dang dang ah Myanmar mi (expatriates) nih cun an umnak ram ceu ah, Chinese  Embassy -ah kal dih in China acpyah nih Myanmar Military Council acoyah cu, lam dang dang hna in bawmnak a pek tawn mi cu, bawm ti lo ding le support ti lo ding in, Open letter an pek pin ah Myanmar mipi tu caah dir piak ding in mah open letter pek in an chim piak fawn hna khi asi, China ram nih ralkap acoyah he ipeh tlainak arak tha chinchin asi ah cun,  Myanmar mipi hna nih China cu an huat can a phan te lai, mah pin ah thil tha lo zong achauhpi sual lai timi hi phan a um ngai ngai tiah alanghter fawn.

Myanmar mipi lei ah China acoyah hi imer in, Myanmar mipi lei ah nan dirpi khawh asi ah cun, ram chung buainak zong afel zawk zawk khawh mi thil asi pin ah, beiseinak zong asang ngai lai, Myanmar Economy nih dirhmun tha arak ngeih than can ah cun, ram pahnih sumdawn nak lei ah, ahlawhnak hmuh hmasa bik ding cu China acoyah asi thiamthiam ko lai tiah ati.

Kum 1962 ah China acoyah dodalnak le huatnak bia (anti-China propaganda campaign) fakpi in aphantertu kha, atu ah mipi acoyah nawlngeihnak alaktu Burmese Military pawl thiamthiam hi asi timi hi nan philh lo le itheihthiam peng fawn ding ah kan duh tiah an ti piak fawn, Open letter hi United States, UK Australia, Korea, France, Netherlands, Japan, Canada le Norway ram ah China acoyah aiawh umnak embassy office kal tlang in a rual tein nizan May 20 ah khan kuat/pek dih asi.

Myanmar ram ah hin China acoyah nih hin sumdawnnak lian tak tak Economic infrastructure  tampi achiah khi asi, Ralkap acoyah hi adir kho ko lai tiah ruah in, Military Council acoyah hi lunglawmhter ding ah lam tampi ah bawm asi, a beisei bantuk in Military Council ralkap acoyah nih, ram chung khawkhan lairelnak cu hriamnam he nawlngeihnak hmang in, thil an kalpi ve ko nain zeihmanh tlamtling khawh asi lo timi cu fiang tuk in alang ko cang khi asi, Atu ah cun China acoyah zong nih lungput athlenter deuh ve ko cang, a policy lian bik Silk road a tlamtlin nak ah Democracy lam zawhtu NUG lei an bawm deuh ding in alang lio pi asi tiah open letter zong ah langhter asi.