Chungkhar zawn ruah ah A fa hmailei ah awrh pah in Rickshaw mawng in ahlawhfa tawn, uar a um ve bak ko,

Chungkhar zawn ruah ah A fa hmailei ah awrh pah in Rickshaw mawng in a hlawhfa tawn, uar a um ve bak ko,

Minung hi aw, vawlei ah hin mi cheukhat hna nih cun hman cawk lo tangka le thil tampi angeih lio ah, Hi ti hin harsa ngai ngai in facang le meh cawk nak ding ah tiah, asi khawh tawk tein nichiar in atu bantuk afa hmailei ah awrh pah cung in, Rickshaw mawng in a hlawh ko hih! Minung hi aw dirhmun athlau taktak ko, nun chuah ve khawhnak ding le nichiar in an ei/din tawkte an kawl ko hmanh ah, dirhmun azia um um thlei lo khi asi, zei poh mipa rian zong tuan ding ah lungput ngeitu Nu hi uar a um ve ngai ko.

Noida, Uttar Pradesh ah um Nu pakhat nih atu bantuk chungkhar in ei le din tihal rawltam in a um lonak hnga tiah, Nu nih cun a fa he -rickshaw a mawng mi asi, a fapa hi kumkhat long upa cu, akalnak poh ah a hruai peng ve khi asi, Hi nu hi Chanchal Sharma asi, a fapa awrh pah cung in tangka hmuhnak ding ah, rickshaw a mawng lio hi Social media ah arak lar ngai ngai khi asi, Zing suimilam 6:30 AM in service/mawng cang khi asi, chun ah a fapa hi ei/din a pek tawn.

Chanchal hi kum 27 long asirih ko, ni fatin tein a can cu National Institute of Biologicals, Sector 62 le Labour Chowk, Sector 59 karlak ah hin service tawn khi asi, an fa hi umpitu ding ah angeih lo ruang ah atu bantuk in an Rickshaw mawngnak ah ahruai ve peng khi asi, A pasal he hin an ithen cang mi asi, a fapa zawn ruat in atuah khawh mi zei rian zong atuan tawn khi asi fawn, A nu hi thil zuar in ei kawl ve mi asi, a unaupa zong in ah a um bal lo ruang ah, a fapa hi riantuannak kip ah hruai asi.

Chanchal Sharma nih hin nikhat ah rickshaw a mawngnak in Rs 600-700 hna a hlawh vetawn, atam lo hmanh ah a fapa he ei le din, hnipuan herh mi tete le in chungkhar thil herhnak ah, ahman ve hna khi asi, Chanchal Sharma nih biapi bik in a fapa hmailei siangin kainak ca ding ah tiin tlawm tete hi tangka a cuh ve khi aherh caah, nikhat te hmanh idin duh lo in thahnem nak ngei in nichiar in rian atuan khi asi.