CJDC Nih Cathanh An Van Chuah Cang.

CJDC Nih A Voi 5 Nak Meeting Biachahnak Cathanh An Chuah!

A voi 5 nak CJDC meeting cu November 3-7 tiang CJDC Headquarter ah tuah a si. Meeting ah hin palai minung 30 le hlathlai tu minung 27 an dihlak ah minung 57 an kai kho i a tanglei bantuk in cathanh an chuah.

1. Chinland Join Defense Committee cu miphun fa hna cung ah hramhram thil sual a tuah tu SAC ralkap cu an hram in phuk ding, miphun zalennak ding le mah te khuakhan lairelnak hmuh khawhnak ding ca ah kan hawikom hriamtlai bu dang he hmunkhat te ah ral a domi kan si.

2. Cu ruang ah SAC ralkap a hram phuk ding in kahdohnak kan tuah lio ah ramkhel a daih lomi cu caantha ah i lak in rithaisi a zuartu nan um, CJDC nih cun rithaisi zuar cu kan duh lo i kan khap.

3. SAC ralkap nih an nawlngeihnak a hmunh khawhnak ding ca ah rampi thimnak tuah an i tim, CJDC nih cun a dik/hmanmi thimnak cu kan cohlan nain SAC ralkap nih tuah an timhmi thimnak cu kan cohlang kho lo. Mipi hna zong nih SAC ralkap nih tuah an timhmi thimnak ah i tel lo ding in kan in theih ter hna.

4. A cunglei zulh ding cathanh kan chuahmi a zul duh lomi nan um si ah cun fak pi in dantatnak kan in pek hna lai, tiah an cathanh chung ah cun an langhter.

Credit : The Chin Post