Congratulation! Rachel Hniang nih Best Gospel Song of the Year Winner a Ngah

Chin Tube nih an tuahmi The People Choice Award winner pawl thim an si cang. Hi thil pawl hi Chin Tube hruainak in tuah a si. Sunglawi tak tak in Live bak in an tuah. Tutan ah minung 6 thimmi chungh in winner thim an si. Hibantuk thil tuah hi a sunglawi tak tak. Tutan ah hlasak lei lawng siloin a lam kip in an thiamnak le line zoh chih in thimmi hna an si. A tha kho tak tak.

A tha kho tak tak. Mino tampi thazaang a pek lai tiah ruahchannak tampi a um. Minung 6 thimmi chung hin minung uarmi thim tan si. A sunglawi kho tak tak. Vawleicung Laimi vialte level in a voikhatnak Award peknak a si.

The People Choice award vote nih an langhtermi Top 6 chung hin winner an thim. Cu nih cun laksawng a ngah. Hibantuk in Chin mi thazaang peknak thil a tuahtu hna hi upat awk an tlak ngai ngai. Hmailei ah hibantuk hi peh zulh peng kho hna se law a tha tuk hnga. Tutan ah Congratulation! Rachel Hniang nih Best Gospel Song of the Year Winner a Ngah. Pathian hla tha bik laksawng a ngah. A phuahtu Sailo Thang zong hlaphuahthiam bik laksawng a ngah chap fawn  Congratulation Lawmhpi cio hna u sih. 

Source: Chin Tube Facebook 

Relchap:-Tulio Trump le US Supreme Court Dirhmun.

US Supreme Court le Pres. Trump:: Tialtu: Plato Van Run Mang

 Pres. Trump lei nih thimnak a dik lo tiah US. biaceih zung sangbik Supreme Court ah Texas Suit in an chuahpi mi cu nizan ah Supreme Court nih an hnon (reject) piak diam cang. Pres. Trump legal team nih chuahpimi diklonak cu chirhchannak a um lomi (baseless) asi tiah a rannak in an hnon piak colh.Tutan thimnak boruak he zoh in US. Supreme Court biachahnak hi uar a um ngai. US. Supreme Court ah Judge pa 9 an um i, hi chungah 6 hi conservative an si i, pa 4 hi liberal an si. Conservative judge- 6 chungah pa 3 hi Pres. Trump nih a khanhmi hna an si. Nain, tutan ah an dihlak (unanimous decision) hnatlaknak bak in Pres. Trump legal team nih chuahpi mi – Georgia, Michigan, Pennsylvania le Wisconsin state ah Biden nih a teinak hi pom lo dingin an halmi cu an hnawn piak. Pres. Trump nih rian a khanhmi Judge pa 3 zong nih a dang judge 6 he lungrual tein an hnawn piak dih.

2000 kum US thimnak ah Bush le Gore zong Florida electoral vote ah an i rak tluk tuk. Rel piak tthan dingin Gore lei nih timi cu Supreme Court nih rak hnon piak ve asi. Asinain, cu lio ah Judge pa 9 chungah 7-2 in mi tam deuh ( majority decision) biachahnak in a rak si. A tu bantuk dihlak biachahnak (unanimous) a rak si lo. Cu nih a langhtermi cu Pres. Trump thil ti ning hi pom awk tlak lo (baseless) asi zia kha a langhter ngai ngai. Tei duh lo le sual kawlnak (Allegation) tu a rak si deuh zia Supreme Court biachahnak nih a langhter ngai ngai. Hi ti supreme court sin a phanh hlan zong ah anmah le State cio a sang bik Federal Court nih an rak hnawn piak dih cang ciomi asi.

Tutan US thimnak boruak ah US democracy system a thatnak pakhat a lang. Cucu, ‘Power Check and Balance’ asi. Congress (Legislature), President (Executive), le Court (Judicial) an nawlngeihnak le dirhmun fiang tein tu tan ah a lang. Ram uknak le ihruainak kongah President ( Executive branch) nih a nawlngeihnak ningcang loin (power abuse) asiloah phung ning loin ( unconstitutional) in rian ttuan tikah – Court le Congress nih tlaihkhihnak lam an ngei. Tutan boruak ahcun Congresss cu D le R ah an ttan tuk nak nih ram caah a ttha bikmi thil dik ah dirhmun chia lo in party politics ah an pil tuk caah Congress hmual an ngei lo ngai ngai. Court an biapitnak le nawlngeihnak tu tutan ah fakpi in a lang.Biaceih zung sangbik Supreme Court nih an hnawn piak cang caah President Trump caah cun phung ningin duhlonak khinnak lam a um ti lo. SC nih fiang tein Biden tei ah an pom cang caah, Electoral College nih Biden cu nikhat ni Dec 14 cun avoi (46)nak US. President a tlingmi in an thanh cang lai i Jan 20 ah President riankhinhnak (inauguration) cu tuah asi cang lai.