Date Jan 7 2022 ni ah Chin ram thlanglei Matupi ah thil cang mi nih ka lung adamter kho hrimhrim lo?
Matupi peng Lung Hlaw le Ki Thlueng khua karlak thil cang mi ah kan lung afak ceu ko, Dalaan ruang ah thil cang mi asi lai tiah cheukhat hna nih kan zumh ko lai, nikum 2021 Christmas hlan hrawng hrang ah cun Ki Thlueng, Kace, Ti Baw khua hna ah hin khua dang in himnak ah anrak hmantawn mi khua asi, October hrawng ah khan report ah alanh ning ah cun khua dang mikhual cu Ki thlueng khua ah minung 180 an um, Kace khua ah minung 70 leng an um, Ti Baw khua ah minung 40 leng an um hna, cu bantuk tein ei le din zong an ngeih mi tete an ei an din ve ko, him te in nuam ngaingai in an um hna khi asi, zei ruang adah atu ah cun tih anung mi khua le sualnak angei lo mi CDF zong asi lo mi minung 10 hna nih ruah lopi in nunnak aliam timi hi asi?
Mah kong ah hin atu tiang in bia dik cathanh a um ko lai tiah karak hngah peng ko nain bia akal ning hramthawh zong um lo adonghnak zong a um lo, mah thil hi fiang deuh in theih mi kan um hnga maw? Thil pakhat khua aka ruahtertu bik cu Zei tin dah ralhrang hna nih direct in Chawngthia khua lei in Ki Thlueng khua taw lei tiva in kainak lam athei khawh? Zei ruang adah ralhrang pawl nih direct in Ki thlueng khua luh hnawh atimh? Asi lo ah ralhrang pawl kal antimh mi cu CDF/CNA nih athei bak lo tinak maw asi hnga? Chawngthia khua in anrak kai asi ah cun ziah CDF pawl nih anrak bawh hna lo? Mah kong ah hin thil athup mi a um maw? Atu bantuk in thil akal poeng asi ah cun Chin miphun kan dihte ko lai mu! Ralhrang le CDF idoh/kah ah kan ruat lio ah kan mah le kan mahi doh bantuk kan si ko hi mu! Ram angeitu hmanh nih ram kilhvennak lam kan theih lo bantuk asi cang atu dirhmun ah cun ram konglam zeihmanh atheih lo mi ralhrang hmanh nih strike system bak in akan thuat ah cun ram ngeitu hmanh kan buai ko cang hi!
News site dang hna ah kanrak rel mi thil pakhat cu ralhrang pawl cu CDF Group 3 hna nih kulh in ah doh timi thawngpang zong a um, Civil mi 10 an thah hnu ah maw an doh, asi lo ah an thah hlan ah maw an doh timi hna thawngpang dik a um kho lo hi thil mak ngai asi, fawite in minung 10 an thah lio ah hin ralhrang lei ah athi timi thawngpang alang bak lo cu, minung nunnak hi biapi bi kasi bantuk in In le lo mei an khangh hmanh ah minung an dam ah cunt ha anuam deuh cu mu! Atu mah thil cang ah hin biatak tein thil sining kan hlatthlai lo ah cun blind in kan kal tawn ah cun Chin miphun kan tlawm chinchin lai mu, mah thil hi tha tein van hlatthlai uh, Feedback kan ngeih lo ah cun kan palh peng lai.
Thil sining hlatthlai herh tiah karuah mi cu:-
- Zeitin dah direct bak in Lung Hlaw le Ki thlueng karlak ah arak chuah khawhnak chan?
- Dalaan an ngeih asi ah cun mah Dalaan cu aran khawhnak chung in kawl aherh lai?
- Chawngthia khua in anrak kai lio ah khan CDF hna nih an thei lo hrimhrim asi maw?
- Civil minung 10 an tlaih hnu longlong ah maw an theih hna?
- Atu ah hin mah ralhrang hna cu an kir dih cang maw?
- CDF Group 3 he an idoh nak report alang fawn lo tik ah lung anuam lo ngai?
Atu ah mah ca kavan tialnak chan ah hmailei ah kar kanthlang ding ah theih herh ngai ngai ding thil atam caah asi, Cun miphun ralkap CDF/CNA zong nih thazang laknak ah Adjustment nan thiam deuh deuh nak ding keimah pumpak hmuh ning le ruah ning kavan langhter mi asiu. Ka lawm!
Cre:Moses pa