Dawt Hlei Tlem nih Naomi hla Live Bak in a van Phomh Cang

Kum 9 te lawng a simi kan fanu/kan farnu Dawt Hlei Tlem hi hlasak a rak thiam hrim ko. A aw hi a mak kho tuk. Mah tluk lawmmam i aw that i aw tuah thiam cu dah! Hi nu te hi hlasakthiam tak tak ah aa chuah cang i hmailei zong ah thazaang petu tha a ngeih peng ahcun minthang i ichuahnak lam tampi a ngei tiah ka ruah. Tutan ah Naomi nih a rak sakmi hla a van phomh ve tikah a thiam kho tak tak hoi. Naomi Par Tha Sung nih ‘Ka mitthli’ timi hla a sakmi cu Dawt Hlei Tlem nih hin Live bak in Malaysia biakinn ah a van phomh. Video a tanglei bik ah a um lai. 

Kum 9 te lawng a simi Dawt Hlei Tlem hmanthlak.

Hlasak a thiam kho tuk. A mui zong aa dawh.

Kum 9 te lawng a si nain hitluk aw that khawh cu a mak ko. Pathian nih damnak pe se law hmailei pi tiang hlasak lei ah biatak tein kal se law ti duhnak nganpi ka ngei. A mui zong aa dawh i hlasak zong a thiam. Amah kum thi ahcun chin mi lak ah hlasakthiambik a si men lai. Naomi hla a saknak cu a tangleibik ah a um lai.

A karlak ah capar kan van langhter chih lai aw. Bethsy nih Love Song Sual le Sual lo Kong a Phuannak kong hi na rel bal maw? 

Bethsy nih Love Song Sual le Sual lo Kong a Phuannak kong hi na rel bal maw?

Bethsy hi zohchun awk tlak hlasakthiam tak tak pakhat cu a si. A nun hi aa dawh tuk hringhrnang. Naite Pasal a ngeihnak zong ah Pathian nih a cawisan ti u si law kan palh lem lai lo. Lai mi zong nih kan buaipi ngaimi cu Love Song kong hi a si. Love Song sak hi Sual a si maw? A poi maw? ti hi mi tampi biahalnak a si tawn. Hlasakthiam Bethsy zong nih hi kong ah fiang pup in a langhter ko. Love Song sak i sual a si maw?  A poi maw poi lo tiah biahalnak cu tha tak tak in a leh khawh. Nang zeitin dah na ruah ve? Na cohlang kho lai maw?

Bethsy nih cun hi ti hin lehnak a tuah ‘Keimah ahcun Love Song satu nih Love Song a sak cun an duhthimnak a si. A Love khi a sualnak pakhat hmanh a um lo. An duh cun an sak khawh. Asinain keimah ahcun van ti ning law…. 

Pathian ngeitu ka si cang caah le Pathian nih a ka dawtnak chim cawk lo vialte hi kaa fian tuk tikah Amah thangthat lo kho lo ka si cang. Cucaah Love Song sak aa manhmi ka si lo i Pathian le a ram caah nun pumpaluk ipe dingin ka duh le a si ko. ( a peh rihmi cu..)

‘Love Song a sami an um cun rak sa ko hna seh sualnak a si hlei lo. Asinain thil pakhat keimah ah ka experience mi hi chim cu ka duh. Love Song biatak te i ka ngaih caan hi a um tawn ko. Cu lio ahcun…Love Song tam deuh ka ngaih deuh paoh khin.. ipheh lo tein  ka thlarau nun hi a niam deuh hrim hrim ko. Keimah hi zumhnak kong ah ka niam deuh hrim hrim. 

Cucaah Pathian hla tam deuh ka ngaih deuh paoh ah ka nun hi a cawm deuh hrim hrim. Zumhnak lei ah sang deuh ah a ka chiah deuh ko. Cutikah keimah nih theidan khawhnak ka ngei ko.’ tiah biahalnak cu a leh. 

Kum 9 te lawng  a simi Dawt Hlei Tlem nih Naomi hla a saknak video cu a tanglei ah a um lai. 

Tutan ah Naomi nih a rak sakmi hla a van phomh ve tikah a thiam kho tak tak hoi. Naomi Par Tha Sung nih ‘Ka mitthli’ timi hla a sakmi cu Dawt Hlei Tlem nih hin Live bak in Malaysia biakinn ah a van phomh. Video a tanglei ah a um lai. 

Dawt Hlei Tlem nih Naomi hia a saknak video. A thiam khawh ning hi. Hi video hi pumhnak tuah lio i a sakmi a si. Live a si bantuk in video zong hi a fiang lo i a aw zong hi a fiang lo. Asinain hlasakthiam a si nak a aw tuah cu a tlau hlei lo a thiam kho tak tak si. 

Dawt Hlei Tlem nih Mirang hla a saknak hi teh na zoh bal maw? Miphun dang pawl an lau ko hi teh.

You Raise me up ti bak a van sak ciamam cu miphun dang vialte cu an lau kho tak tak. A aw hi a rak tha tuk. 

Video Credit: Lai Kam Thang

Leave a Reply

Your email address will not be published. Required fields are marked *