Dr Sa Sa hi cu uar um kho tak tak si.

(A tanglei bik ah a video a um lai) Dr.Sa Sa nih Mirang mino tam taktak sin ah thazaang peknak bia a chim. Thangthar mino vialte hna sin ah hi vawlei kan umnak hi hi nak nuam hin ser hna usih timi tlangtar hmangin Mirang mino sinah thazaaang peknak bia a chim. Kan Laipa Dr.Sa Sa hi cu uar um kho taktak si. A biachim mi cu Mirang mino tampi nih tha tein an ngaih piak. A tanglei bik ah a video a um lai.

(A video na zoh hlan ah mah capar hi van rel ta rih) Kan Laipa kan uar ngaingai mi Dr. Sa Sa nih Khrihfa a silomi Phungki pa cu a ngandamnak zoh piak in a check up. Uar um tuk hring hran ko. Phungki pa a check up nak kong he pehtlaiin a biachim mi cu a mak kho taktak, thinlung a tong taktak fawn. Dr.Sa Sa nih aa kan cawnpiak ning hi a tha kho tuk.

Dr.Sa Sa nih Phungki pa a check up nak kong he pehtlai in mah ti hina chim, “Love has no borders, love has no religious, Let’s love one another.” tiah dawtnak nihcun ramri khiah a nei lo, dawtnak nihcun biaknak a thleidang lo, midang he i daw hna usih tiah a chim. Bawipa nih umpi peng ko seh.

(Mah capar hi van rel chap) Chin state ah NLD nih teinak a hmuh khawhnak ding Committee ah a min an telnak kong he pehtlai in Dr SaSa nih a lungput langhternak.
September 8. 2020.

Kan ram le vawleicung nu le pa a simi mi tam deuh nih cun kawlram chung ummi mipi caah zawnruahnak le thanchonak rian kha nunnak pekin ka si khawh chungin ka zuam I rethei ngai le ba ngai in ka caan tampi pekin rian ka tuan mi mipi nih nan theih dih cangmi a si.
Keimah cu kawlram le chin state a hriangbik hmunah a chuak I a thangmi mino pakhat ka si. Lam tha a um lo, electric mei um lo, din ti tha tein a hmu lomi, sifahnak, harnak le fahnak hna kan khua ah a tu le tu kan tong. Ka hawi kom thabik tampi hna cu kham khawh asi komi zawtnak in mino tein an thi hna, sianginn ka kai lioah nu tampi cu nau an ngei lioah thih ding an si lo nain an nunnak a rak liam. Ka hngakchiat lio tein doctor si in mah bantukin a nunnak a liam dimngmi rammi dihlak, miphun biaknak thleidang loin bawmh khawh ding le tuanpiak khawh dingin ka nunnak dihlak pek dingin biachahnak ka rak ngei.

Mi pakhat te hmanh sifahnak ruangah hnulei a tangmi um lo tein an I timhmi ruat in lung a rawk a fawimi minung hna kha bawmh in zohkhenhnak, ngan damnak, fim cawnnak, thanchonak, duhdim tein ei din an hmuh khawhnak ding caah le an sining ai thleng khawhnak ding in ka si khawh chungin kai zuam.
Ding tein ka tuan I zawnruahnak, dawtnak he raltha tein thaazang chuah in kai zuam caah minung tampi nih an nun a thangcho caah mah bantuk in kan ram thanchonak dingah zumhnak nganpi he thawng ngai in ka tuan.

Kum 2020, November 8 ah rammi hna nih an mah aiawh tu ding kuzale thimnak an ngei cang lai. Thimnak ah teinak a hmumi party cungah tu chun kan tonmi harnak hna kha chim in mipi nun khuasaknak thlennak tuah dingin ruahchannak ngan pi kan ngei hna lai.

Cozah cu ai lo lomi ruahnak lakin lungrualnak le miphun dawtnak a um khawhnak caah dingfel tein eihmuarnak a domi, khuasak nak ah mahte in a hram an I domh khawhnak ding lam a kawl I harnak a tuar khunmi hna kha papek in rian a kan tuanpiak kho lai tiah zumhmi an si.
NLD nih Chin state ah teinak an hmuh khawhnak ding rian tuan tu committee member ah an nak khumhnak kongah keimah pumpak in cun thinlung tak in ka lawm. Kan ram mipi nih kan herhmi vialte kha tuan khawh dingin din felnak, mi dang upat thiamnak thinlung he rian tuanak nih kan ram cu rampi dihlak caah thlachuahnak le thanchonak a chuah pi kho tu kan si lai ti hi zumhnak ngan pi ka ngei.
Keimah ka tuan lengmang mi pakhat le pakhat cungah dawtnak aum khawhnak ding rian, doctor rian he mipi nih an herhmi he pehtlai in tam deuh in sullam a ngeimi ruahchannak tlin ter dingin NLD he voi tampi kan I ruah bal cang.

Covid-19 pulrai ruangah lockdown a si caah pakhat le khat hmaiton in kan I hmu kho rih lo caah I ruah ding tampi a um rih.
Keimah karam caah zei bantuk ramkhel party pakhat khat aiawh in ka dir ahcun kan mipi nih an herhmi rian kha pehzulh in ka tuan ko lai. kan mipi nih an herhmi kha chim dingin le mipi nih thancho nak le rumnak kan hmuh khawhnak ding rian hi tuanti dingin forhnak ka tuah peng ko lai. Kan ram himnak kong he pehtlai in kan ram dihlak ah daihnak le thanchonak a um khawhnak ding lam kawl in tuan kai zuam lai.

kanram cu chawleh nak ah hram bunh in a thangchomi, mipi nih zumh awk tlakmi, a um cangmi ram kip he pehtlainak hna kha hmang in, thinlung fehnak le thiamnak hna le, kanram nih kokek thil chuak a ngeihmi hna hi hmangin mipi caah a tuan chuak kho tu ram a si lai tiah ka zumh.

Keimah cu cozah zungah hmun ka ngeih ahcun khuate in I thokin a luancia kum 10 bu hrawng sal kan si cangnak he tahchunh tlakmi thlennak, ding felnak he a hram a bunhmi thanchonak, a bikin chawlehnak, ngan damnak , fim cawnnak, peh tlainak lam, cin thlaknak hna le duhdim tein din ei I hmuh khawhnak ding lam hi kanram dihlak ah a um khawhnak dingah kai zuam lai.

Cun kanram a hruai tu ding pakhat khat he hmun khat in a thami uknak, himnak, din felnak le mi kip nih thanchonak an hmuh khawhnak dingah ka sinak dihlak in ka tuan lai. Hi thil hna hi hmailei ah miphun caah a tlakmi mi le a herhmi thil an si.
Cun keimah kawlram dihlak caah toidornak he thinlung dihlak in ka tuan bantuk in mah hnu zongah ka tuan peng lai tiah biakamnak in ka chim. Upatnak he, Dr Sasa.

Link hi click law a video a um lai  https://www.facebook.com/sasa.san.39/videos/10158439976032367