Emergency period cu January 31 ah adih/dongh than cang lai, Min Aung Hlaing nih zei bantuk Idea dah an hman than lai??
Military council nih thla 6 dang caah khawkhan lairel khawhnak can cu, Emergency Period tiin nawl ngeihnak can an lak mi cu, January 31 ah hin adih/dongh cang lai, National Defense and Security Council meeting auh ding in hma lak lio asi than cang, mah hi military council pawl nih thimnak election timtuah nak ngei in hmalak asi, thimnak ngei khawh ding ah ram chung ah remdaihnak um ding ah hmalak nak ah tlam a tling lo ngai rua??
Atu dirhmun ah Myanmar ramchung ah ralkap hna nih ram a cheu hmanh an control khawh ti lo pin ah, hmun kip ah idohnak le buainak nih a tlak buak lio khi asi fawn caah, remdaih nak a um khawh lai lo timi hi news site kip ah tarlan asi, Emergency period cu kumkhat term an hman cang hnu ah, thla 6 dang vawi 2 hman nak zong adih/dongh than cang lai khi asi, Kum 2023 ah thim nak tuah ding kong an phuan diam cang fawn, Sr Gen. Min Aung Hlaing duh ning cu, Myanmar ram President dirhmun ah dir hi a tim bik tawn mi kha asi.
Military leader General Min Aung Hlaing Russia ram ah a tlawng lio ah khan, Interview nak Defence Force leader dirhmun in Myanmar president dirhmun ah um/dir hi a tim mi asi tiah alang khawh, Member 11 um nak NDSC -ah hin Myanmar President hi alu bik Chief Executive a si, President mawhphurhnak le thil tuah ding vialte hi ralkap hna nih an duh ning in an tuah mi, 2008 Constitution ah NDSC pawmpi nak lak hmasa a herh mi kha asi.
NDSC Headquarters hi Myanmar khuapi Naypyidaw-ah hmunpi ngeiin a um,Vote adih lak in 11 an ngeih chung ah, ralkap Commander-in-chief nih a thim mi ralkap lei mi le sa cu minung 5 siin amah he Vote 6 a um cia cang, Ralkap lei nih vote an lak nak ah siseh, tling khawh ding ah dan/dun tuah diam cang mi asi, NDSC Member hna cu constitution tarlan ning in atang lei bantuk hin asi:-
1.President
2.First Vice-President
- Second Vice-President
- Speaker of the Pyithu Hluttaw
5.Speaker of the Amyotha Hluttaw (Sl.1 ,3,4,5 hi Civil lei an si.
6.Commander-in-Chief of the Defence Services
7.Dy Commander-in-Chief of the Defence Services
8.Minister for Defence
9.Minister for Foreign Affairs
10.Minister for Home Affairs
11.Minister for Border Affairs
Mipi acoyah an hlonh hnu ah President U Win Myint le Minister dang hna cu tlaih in an hren hna, Vice President U Myint Swe cu Acting president caah chiah chawm mi asi, Acting president nih National Defence & Security Council cu auh in, Army Chief sin ah ram chung khawkhan lairelnak ah nawl ngeih nak cu pek in, Emergency period caah phuan le mawhphurnak pek asi.
Home, Border affairs le Foreign Affairs hna cu an duh phun lei ralkap mi le sa an chiah hnu ah cun, NDSC meeting ah mi dang cu Civil mi tak tak zong an um lem ti lo, NDSC Meeting rak um than ding hi, Febuary 1 kum 2023-ah ngeih ding ah zum asi, atang lei bantuk hin committee member an tuah pin ah, nawl ngeihnak pek chawmh asi than te lai.
- President :-Myint Swe
- First Vice President:-Myint Swe
- 2nd Vice Presiden :- Henry Van Thio. (Damlo phun in a tel lo than lai maw?)
- Speaker of the House of Representatives :- T Khun Myat
- Speaker of the House of Nationalities (Amyotha Hluttaw)Vacant
- Commander-in-Chief of Defence Services:- Sr Gen Min Aung Hlaing
- Dy Commander-in-Chief of Defence Services:- Vice Sr Gen Soe Win.
- Minister of Defence :-Gen Mya Tun Oo
- Minister of Home Affairs :- Soe Htut
- Minister of Foreign Affairs:- Wunna Maung Lwin
- Minister of Border Affairs Tun Tun Naung.
Acung lei bantuk hin Military Council pawl nih an duh ning in dan/dun tuah chawmh in thil an kalpi tawn khi asi, atu zong ah cu bantuk thiamthiam in Min Aung Hlaing nih thil tuah tim in hma an lak cuah mah lio khi asi.