Good News; US Kan Fale Sianginn Kaimi caah Bawmhnak (Pandemic EBT Benifits)

 PANDEMIC EBT BENEFITS (Van Ceu Uk Khenglawt)

Tutan cu thawngṭha lei seh ka van ṭial. Fale siangngakchia a ngeimi poh nih rak rel uh. Ngafuan na rut lai khah! Cozah nih siangngakchia bawmhnak (Pandemic EBT Benifits) pek ṭhan ding in khua an khaan i sianginn i alak siloah man tlawmdeuh (free & refuced) in rawl einak a ngahmi poh January 31 ah an pek/kuat hna lai. Bawmhnak hi FSSA zung nih kuatpiak dingin ṭuanvo/nawl pek an si.

Cucaah, sianginn nih an ngeihmi nan address a dik le dik lo tu zarh chung ah rak zoh/chek uh law a dik lo ahcun nan fale kainak sianginn rak chim colh tehna uh. Cu lo ahcun a ping ah bawmhnak an in kuat sual hna lai. Nan inn address hi SKYWARD ah zoh/chek ding a si lai. [STATE dang kong ka hngal lo, INDIANA state ca lawng a si], Source: Van Ceu Uk Khenglawt

Relchap:- US lawng maw buai kan ti lioah Hakha zong mee kongah an buai cang 

Mee aa thuat sual mi cu a um ko nain ralkap nih ningcanglo mee (mathamar-mee) 6945 a um, tiah an thanh mi hi a dik lo mi a si, tiah Chin Ramkulh Thimnak Zung Secretary ULin Kyaw nih January 6 ah fianternak a tuah.“Milu cazin siseh, computer relnak ah siseh, aa palh kho tak mi a si ko. Cun, mee aa thuat mi zong cu a um taktak ko nain hramhram in tuah mi ningcanglo mee an ti mi hi cu a dik lo mi a si. Minung pakhat nih mee voi 2 thlak a timh hmanh ah tuanvo ngeitu nih nang cu na thlak cang, kan ti ko hna. Cun, La-Wa-Ka zong ah felfai tein milu cazin zong kan va zohfel ko. Kum 18 tlinglo nih mee an thlak ti mi zong hi a ngaingai cu hmatpungtin he an thlak mi a si ko i an i palh ahcun pungsan 12 in kan remhpiak lengmang ko hna. Cun, 2002 kum lio khan kum 18 a tling cang mi cazin zong computer ah fel tein kan khumh. A fawinak cun, mee aa thuat sual mi cu a um taktak ko nain ningcanglo mee cu a um hrimhrim lo,” tiah U Lin Kyaw nih The Hakha Times ah a chim.Ralkap nih cathanh an chuah mi a tlangpi ah kum tlinglo mee thlatu an um, nulepa aa khat mi, kum aa khat mi tibantuk an um i nulepa aa khat nain min aa dang mi, kum aa palh mi le nulepa min aa palh mi tibantuk mee thlatu an um. Hihi ningcanglo (mathamar) a si, tiah an thanh. Hi kong ah a cunglei bantuk in Chin Ramkulh Thimnak Zung Secretary U Lin Kyaw nih lehnak a tuah hi a si.2020 November 8 thimnak ah Hakha Peng chung mi minung 38,000 renglo nih mee an thlak i minung 8000     renglo nih me an pe lo, tiah kan theih.Credit: hakha time