Hebrew Nih Delhi Laimi Hrokhrawl in A Puh Hna,

Hebrew hi miphun a dawmi pakhat bak asi ve. A ral zong a ttha. Video bakin a duhmi a lungchungbia a chim tawn i a ttha kho taktak. Hi a thil tuahmi hi a tuahnak a sau ngai cang. Voitampi ka rak ngai cang i keizong nih pumpak in ka uar taktak.

Lai pa ahcun a ral a ttha bak. A mui langhter bakin a duhmi a chimh ngammi hi a ral a ttha i a ruahnak a kau ti theih khawh asi. Asinain tutan cu a biachimmi hi ka lung a tlinglo taktak.

Delhi Chin ralzam le Malaysia Chin ralzam nih Pastor Laitlang lei in nan auh i a hnu ah an kong na ceih hna na ati. Pastor nan au i kum khat kum hnih an um i, inn kip ah thluachuah pek ding le thlacam piak dingin an vah tikah tangka a duh ruangah asi tiah nu pawl nih a kong nan ceih tawn te hna a ti. Malaysia i a ummi ka si lo i kei nihcun asi le si lo cu ka theilo.

Delhi Chin ralzam nih hi bantuk thil an tuah ballo. Laitlang in Pastor kan auh tikah kum 1-2 an um ballo a sau cem thlakhat an um tawn i mah zong ahcun inn kip ah thlacam piak ding le thluachuah pek dingin an vak bal hleilo. Delhi Lai nu pawl lawng si loin Nu paoh paoh cu mi kong ceih cu an hmang ko e. Asinain Delhi Lai nu nih Pastor an auhmi hi thangchiat le an kong ceih an hmang lo. A tthat lonak an chim ding asi ahcun a phungchim i an lung a tlin lo mi an chim ko. Cucaah Hebrew kan in uar ko, asinain thil hi na hlatthlai pah deuh cu a hau ko lai. A tanglei video i na chimmi vialte hi Delhi Chin ralzam zeihmanh an i tello.

Video Credit: Salai Lahnin

Hi capar hi rel chap

Zumtu mi kan caah zumlotu he i thitum hi a sual maw (1 korin 7:12-16)

Zumtu kan caah zumlotu he thit umnak kong ah Baibal nih zeitindah a kan cawnpiak a tangah vun zoh hmanh zumlotu he thit um hna hi a sual maw? 1 Korin. 7:12 -16 nih hin Khrihfa mi hna nih zumlo tu hna he an i thi um kho tiah  a chim duh mi a si maw tihi mi tampi nih an ruahcio mi le fian khawh a har ngaingai mi a rak si. Khrihfa a si mi poh poh nih cun kan fian hrimhrim a herh lengah kan nunnak nih a zulh khawh a hau. Minung ka si bantuk in i thitum hi a biapi tuk mi le Pathian nih kan caah laksawng thabik a kan serpiak mi a si.

Cucaah a nuammi chungkhar ser na duh ah cun nangmah he Biaknak aa khat mi na thitum ah harnak a chuahpi mi a rak um lo. Nupi a thii rih lomi le vangei rih lomi na si sual a si ah cun nangmah he zumhnak aa khatmi he i thitum khawh i zuam. Cu nih cun Khrih dawtnak nan innchung khar ah a len ter khawh. A si nain Khrihfa a si ko nain zumlo mi he aa um cia mi na si ah cun lungthulh i maak nak va tuah duh hlei hlah. Khirhfa nih Khrihfa mi lawng kan thitum hna ding hrimhrim a si ti cun atha tuk mi a si ko. Nain Khrihfa asi mi hna nih Khrihfa asi lo mi Pathian dawtnak athei lo mi an thitum hna khi a palh hrimhrim tiah Bible nih a kan chim lo.

1 Korin 7:12-14 ah cun a dang pawl caah Khan  Bawipa nih si loin keimah nih hitihin kati: Khrihfa mi pakhat nih zumtu a silo mi nupi a ngeih i a nupi nih um ti kha a lung a si ko ah cun, ma hlah seh, Cun Khrihfa nu pakhatkhat nih zumtu a si lomi va angeih i a va nih um ti kha a lung a si ko ahcun, kir tak hlah seh. Zei cahtiah a zummi a si Lomipa cu a nupi he an i pehtlaih nak thawng khan Pathian cohlan awktlak ah acang i zumtu a silo mi  nu cu a va Khrihfa a simi he an i pehtlaihnak thawngin Pathian cohlan awk ah acang.

Pathian nih nu le va nuam tein khuasak hi a kan duh piak mi a si bantuk in kan chungkhar khuasak nak ah a tha bik lai ti kan zoh thiam cio a herh.  zumlo mi nupi/pasal na ngeih ko zong ah nangmah le na nupi/pasal nuam tein nan um kha a biapi bik mi a si, Pathian zong nih a duhmi a si fawn.   Minung mit in kan zoh hna asi ah cun Khrihfa nih zumlo tu an titum hna khi thatlo nak in kan hmuh khawh men hna sinain a that nak zong arak tam tuk ve hoi. Zeiruang tiah cun ahlan lioah Pathian konglam arak thei ballo mi kha a nupi/ pasal nunnak zoh in a zumhnak kal tak in Pathian sin ah a nunnak aa pee mi an rak tampi ve.

Zumlo tu he ithitum athatnak a um ve bantuk in a chiat nak zong a rak um ve  cheukhat chungkhar kan zoh than hna a si ah cun an nupi le an fa le Biakin ah Pathian thangthat ding ah an kal cuahmah lio ah, an pasal le anmah zumh mi  serchom pathian (gods) biak nak ah an kal ve. Mah tikah chungkhar an buai, lung hnangam nak a leng kholo, Khrih dawtnak an chungkhar ah a lang kho lo caah nu le va i then nak a chuahter. Cucaah nupi va ngei rih lomi Khrihfa na si ah cun nangmah he Biaknak aa khat mi he i thitum khawh i zuam . Cun zumlo tu he aa thi um cia mi na si sual ah cun na nupi/pasal kha na nunnak in Pathian dawtnak le Khrih muisam cuan ter in a nunnak then khawh i zuam. A thinlung thlen khawh nak ding ah thlacam piak zungzal law a can azaat in Pathian nih athinlung athlen te lai.

Leave a Reply

Your email address will not be published. Required fields are marked *