Hindu biaknak lei in Khrihfa biaknak lei ah a let ruang ah an tuarnak vialte cu, ( Bhuttu Testimny)

“Mi nih keimah ruang ah an sik asi ah, an serchiat asi ah, Lih le hrawkhrawl vialte hna he an puh can ah cun, suu parnak nan co lai. (Mt. 5:11)

Ka min cu Bhuttu Roy a si, can arauh hlan te ah khan Jesuh zumtu karak si, Hindu chungkhar in achuak mi ka si, Asinain Jesuh thawngpang kong katheih hnu ah zumtu kasi cang fawn hnu ah cun fakpi in lawmnak ka ngeih ka ni nuam peng ko khi ka si, nun ithlen cang mi karak sic ang, Vanchiatnak ngai ngai pakhat cu ka nupi, kachung hna le kan khua mi hna nih zumtu kasinak cu, an lawm lo pin ah an duh lo ngai ngai khi asi, Ni chiar in kachung hna nih Hindu ah kir than ding in, aka nawr peng khi asi, nain ka duh ve fawn lo kha asi, Akan khamtu Jesuh kir tak khawh ka si ti lo caah, Jesuh caah nun peng hi kathim cang kha asi.

Can akal peng ko, ka nupi zong nih Hindu-ah kakir than akan beisei peng rih fawn, nain ahnu ah cun kanupi zong nih beiseinak angei ti lo, kei mah lak ah a bei dong ve bak ko cang khi asi, mah hi thil cang mi asi cang ruang ah hin, ka fanu kum 10 mi he ka nupi nih akan chuah tak ko cang khi asi, A unau pa zong nih cun a pasal ding cu kawl piak in ahmuh piak fawn cang arak si, Ka nupi hi ka dawt ngai ruang ah pasal dang a ngei than ding cu ka lungthin hi afaktuk hringhran khi asi, nain zeihmanh chimnak nawl ka ngei khawh fawn ti lo, lung fak in ka nupi ruang ah khua har ngai ngai in zei maw can cu katuar ko.

A tu ah cu nasi khawh tawk in nunzia thiam aher cang khi asi, Jesuh ka zum ruang ah ka nupi nih akan kal tak ko cang, akan dawt ve khawh ti lo khi asi cang cu, Ka chung lei hna zong kaca ah cun ral an si dih ko cang fawn, t uhlan ah khan cun mah kachung hna hi akan dawt ngaingaitu hna an si ko nate in atu ah cun kaca ah ral le zeitik can poh ah ka cung ah thil tha lo tuahtu ding dirhmun an si dih cang, minung sinak lei in ka ruah ah cun vawlei ah hin bohchan ding ka ngei tilo, Jesuh kadawtnak ruang le ka zum ruang ah cun kei cu nun dang ngai mi ngeitu ka sicang caah thil dang ah beisei ding ka ngei ti lo khi asi.

Bhuttu cung ah thil cang mi hna bantuk in Hindu biaknak in Khrihfa biaknak lei ah alet mi hna cung ah hin nichiar in atu bantuk in chungkhar le an khua mi hna nih minung zong ah an rel bak lo mi hna an si, Hindu pawl nih cun biaknak dang ah akal mi hna hi phatsantu tiah an ruah ruang ah, Khua chung in an thawl/dawihna tawn khi asi pin ah, hrocer le serchiat vuak le velh hna an tuart awn khi asi, India ram ah hin kan Khrihfa Unau hna cung ah thil phan/cang bantuk hi, Jesuh ruang ah na dawt bik mi nupi or fate hna kal tak herh siselaw na kal tak ngam ve lai maw?? Tiah Bhuttu nih Khrihfa abiak mi hna hi akan hal khi asi?  Jesuh caah nan tuar ngam ve lai maw? Jesuh caah zeitiang dah tuar khawh ding na huam ve lai? Bhuttu le Khrihfa hna serchiatnak le tuar mi hna caah thlacam peng ko usih ati.

Christian Outlook, Source- Open Doors, USA