Iang Len Sung Catial Cu A Tha Kho Tak Tak.

Thluachuah hmuh nak Umm kheng ka si ti i thei ttung loin, Ka duhmi thil ka hmuh khawh lo tikah Vanchiatnak ah ka ruah tawn Thluachuah zeizat dah ka hmuh timi hmanh thei fiang loin ka sungh mi thil hi fak tuk in ka ruah tawn..

Asinain ka duh ningin vawlei hi kal sehlaw. A ka sertu Pathian hi ka herh hnga lo. Ka duh ningin vawlei hi hman khawh a silo nak nih hin tthawnnak a ka pek hi a rak si zungzal, caan saupi ka rak hngallo..

(mah hi zahan a tial mi kha a si) Kan Lai hlasakthiam ngainga simi nungak Iang Len Sung catial cu a mak ko, zaangfak ngaingai khi si. Tuni ah khan hi ca hi a tial, “A tuar tu caah cun, Kan caah Pathian nih a ttha bik in khua a khan ko timi khi pom thiam a har tuk..Asinain kan caah a ttha lomi thil cu Pa Pathian nih khua a khang bal fawn hnga lo mu.. Nun hi a har tuk tawn ee😔.” tiah a tial. A cung ah zeidek cang hnga tiah mi tampi ruahnak a neih ter hna. An lungthin in Biahalnak tampi Iang Len Sung cung mi tampi nih an nei cang. Zeithil dah a cung ah cang timi kan thei ttung loh i mah cacun Bawipa sin tu ah thlacam in bawm cio ko hna usih.

(Mah hi zahan nai deuh i a rak tial cia mi kh a si) Kan nun ah thil a cang/tlung mi thil cheu khat hi thluachuah nak a si lio ah, Cheu khat hi cu nun kan cawnnak dingah a rak tlungmi an si ve! Fahnak an petu cu philh law, cu na fahnak ruang i na cawnmi thil balte zeitik hmanh ah philh hlah.

Hi vawlei ah hin khual tlawng mi men ka si, a kir tthan ding ka si! Ka khualtlawn nak hmun i caan tawite ka cam chungah hin Bawipa Khualtlung duhnung ka si khawh nak hnga ka nunnak hi ka hruai zungzal mu.

Minung nih kan hrial khawh lo mi thil tampi, Kan nun chungah kan ton ding a simi thil tampi, ngaihchiat nak te hna zawtnak te hna lungfah nak te hna, hi thil vialte ruangah ka mitthli voizei zat dah a tlak i voi zeizah remruam dah ka ngaih a chiat, asinan ka nunnak ngaingai cu ka sunglo.

Credit : Iang Len Sung

(A hmanthlak dawh pawl hi van zoh ta rih) Kan Lainu hlasakthiam kan uar ngaingai mi Hlasakthiam Iang Len Sung hmanthlak pawl cu aa dawh kho taktak. Hlasak lawng a rak thiam lo, hmanthlak zia zong a rak thiam tuk, photogenic taktak khi a si ko. A tanglei ah a hmanthlak dawh taktak pawl ka van in dangh hna.

Note : Hlasakthiam Iang Len Sung hmanthlak na zoh pah in, a ca tial mi tete vun rel pah.

Hi vawlei cung mi vialte hi, zumhawk tlak hohmanh an um lo,Na zumh ngam hna lo ah cun! Cun na zumh bak hna ah cun, Zumhawk tlak lo hohmanh an um fawn lo.

Midang nih an theih dingah na duh lo mi na biathli cu nangmah sinah a him bik. Asinain, a himnak ding hmun in na chuahter lengmang ruangah theihter na duh lo mi sinah a phak tawnnak a si. Nangmah hmanh nih na hum khawh lo mi biathli midang nih an ka humpiak lai ti cu zum duh hlah.

A tu-ah hlawhtlinnak, teinak, na hmuh lo ruangah khan, lungdong in um colh hlah.. Hlawhtlinnak, teinak hmu ding cun, sunghnak tampi na ton ve hmasa a hau..A nih cu a hlawhtling tiah kan chim tawn mi hna khi, lungdong loin aa zuam cuahmah mi khi an si tawn ti thei law zeitik hmanh ah lungdongh nak hi i tei ter hlah.

Vawlei Dawhnak hi sau a daih lailo. Cu bantuk tthiam tthiam in minung dawhnak zong nih hin sau a daih lailo,Duh thim khawh ding zeihmanh kan ngeilo, a hmun lo mi vawlei a si caah si.

Photo Credit : Iang Len Sung