India Cozah Tang Ah SIB Rian A Tuan Lio Mi Nih A Thlak Mi A Si.

Ramri Um Kan Chungkhat Cingla Le Hawikom Hna Siaherhnak.

Hi Myanmar Jet Fighter Vanlawng hmanthlak hi India Special Investigation Branch(SIB) rianṭuantu ka hawi pakhat nih November 7, zinglei 7:55 ah Sangau in a thlak mi a si. Phone camera in thlak mi a si caah zei a si a fiang lo nain hman a thlak lio ah hin an i naih ngai kong a chim.

Sangau hi India ralkap Assam rifle pawl umnak a si nain ramri hrul ah Myanmar fighter zalong ngai in a zuan hmuh tik ah SAC rallokap pawl nih vanlei kahdohnak tuah an timh kha aho poh nih kan ruah cio mi a si.

Nai ah CNA Innpi Camp Victoria cu rallokap nih an kah lai ti thawngpang a leng i, Media nih kan taar nain ahote dik nih “kan hlonhpiak u” tiah nawlnak an tuah. Mipi thinphan lai an tuak ruang zong a si ko lai nain kei cu thinphan caan a si cang, tiah kan ṭhih hna.

Camp Victoria theng siloin ramri um mi khuate pawl zong a herh tikah India lei pet kho ding in rak i ralrin a herh, nan zaam manh lo sual ah i dornak bomb khor zong rak i cawh ulaw, khulrang deuh in eidin khawh ding tirawl zong i khon cia kho ulaw a ṭha hnga.

SAC nihhin a donghnak ah cun a thazaang dihlak a chuah a hau te lai i, cu a thazaang diklak chuahnak cu Air strike hi a si, tiah mi tampi nih kan ruah cio. Cucu nan theih cia si ko lai nain mipi caah a him lo!

Credit : Tluangaa Zathang