Ka fapa zeihmanh sualnak na ngei lo nain ram caah nun napek ve bak ko mu! Min “Pa Le Nang & Steven” RIP

Matupi peng kan khua lei ah thil cang mi nih ka lung akan khenh bak ko e, ralhrang pawl nih an tlaih mi chung ah kan fapa hna 2 an itel ve, Amin Pa Le Nang le Steven an si, mah pahnih hna hi zeihmanh sualnak ngei mi zong an si lo nain atu bantuk in ralhrang hna minung lungput zong angei tilo mi hna nih tlaih in ram lak ah an thah ko hih! Mah unau pahnih hna hi Matupi Ki Thlueng khua ah um mi hna an si, nizan tini ah an tlaih mi chung in an itel ve mi asi, lungfim deuh mi pathun hna nih cun thih le dam tii8n an zam tak manh ko nain, mah kan fapa pahnih hna hi cu ngakchiate long an si veve caah zamtak ngamh lo in a um ve ko, amah belte cu ralhrang minung lungput angei ti lo mi nih atu bantuk in ram tang ah akan thah piak diam ko cang khi asi, aw apoi taktak, zeihmanh kan bawm kho lo kafa an thah lai ah na umtu ning hna khua karuat ah hin zan kahngilh kho bak lo khi asi.

Misual ralhrang hna nih zei tik tiang dah kan Chin miphun hna hi akan thah rih lai mu! Kan khua hi facang tamnak asi, atu ah hin khua chung ah um ngam tilo in mah khua cu an zamtak dih cang khi asi, tangku lei India ramri hrawng ah himnak kawl in akal kho tilo mi kan pu kan pa hna zong an itel rih, kan khua facang le thilri vialte hna cu ralhrang hna nih an mah ta bantuk in an ilak fir cuahmah ko cang, aho nih dah kan khua achanh hna lai?

Kan family cung ah thil cang mi hi cu aw, Bawipa kan Pathian zeitin dah kantu le fa hna hi lam na hruai hnga? Nangmah nih lam na hruai lo ah cun minung ah bohchan tlak kan um ti lo e, zei ava si zong ah kan family cung ah Bawipa nih rem ati ning tein khawkhan lairel asi ko ah cun apoi lo kan ti ko lai mu! Minung sinak in tuar ahar bak ko nain Pathian lei hawih in karuat ah cun Bwaipa khawkhan asi ko lai tiah zumhnak ka hngat ko, atu ralhrang nih akan thah piak mi unau pahnih hna hi kan khua veve asi pin ah kan fapa taktak hna an si, atu hmanthlak ah lang mi hi kum 13 longte asirih mi asi.

Cre:Moses pa