Kan ibawm ceu ding asi Kachin KIO/KIA Chairman nih Military Council dohnak ah kan ibawm ceu lai-I teinak kan hmuh ko lai tiah bia achim, lung afaktuk hringhran ko e,

Military Council doh ding ah tlangcung ram hruaitu hna nih kuttlai in kan tangti lai, Cu tic un ralhrang hna kan doh hna lai tiin KIO/KIA chairman N’Ban La nih Oct Ni 25, Nizan ah khan KIO kum 61 tling lawmnak ah a chim mi asi, KIA chairman nih Kawl miphun hna nawlngeinak le ning cang lo in akan uknak hi atu ah kan doh hna lio asi, Kan chiatter dih lo ah cun, kan hmai lei can ah thuat doh/kah ding ah ahar ngai lai, mah caah cun atu ah hin tlangcung miphun ralkap hna cu lungrual tein tangti in kan doh ah cun kan tei hrimhrim lai, Tlangcung ram hruaitu hna le KIO acoyah hruaitu hna cu zeitik can poh ah ibiakchawnh ding ah ready peng kan si tiin achim.

KIO nih 1948 kum in Panlong hruaitu hna a taktak in ram caah tlamtlingter duh in hma kan lak ko nain, Kanrak ihngahnak Phah-sah-pah-lah acoyah le Ralkap Mah-sah-lah acoyah hna he ibiakchawnh peng asi, Sihmanhselaw mah ibiakchawnhnak kong ah atu tiang in zei hmanh tlamtlingnak a um kho heli lo khi asi ati, Nan-wah-tah le Nah-ah -phah acoyah hruaitu hna sin ah KIO nih idoh/kahnak idinter in, Ram chung politics kong ah ibiakchawnhnak kanrak tim cang, Kan nih ralkap hna nih cun ram chung politics kong ah Iton bia ruah ding in nawlngeihnak kan ngei lo, Mipi thim mi acoyah hruaitu hna sin ah kal ulaw va chim hna uh tiin akan let tiah ati.

President Thein Sein can lio ah khan ram pumpi ah idoh/kahnak policy hmang in ram arak hruai hna, ralhrang acoyah nih cun an mah hlawk nak longlong an duh, an dawi caah zeihmanh itonti ding ah harsatnak asi tiah tar lan asi fawn, NLD acoyah can lio ah khan Panglong hruaitu hna nih cun, rem cang ah ilak riang mang in, 21 Panglong Conference an tuah hna fawn, mah can lio ah hin NLD hruaitu hna le Military council hruaitu hna cu ibiakchawnhnak kan ngeih pi tiah KIO chairman N’Bang Lah nih achim, Kachin Independent Organization( KIO) hi Oct 25,1960 kum ah dir asi, Kachin Independent Army (KIA) hi Feb 5, 1961 kum ah dir a si timi kong le KIA hi minung 100 hna nih anrak dir mi asi tiin, KIO/KIA chairman N’Ban lah nih arak langhter khi asi.

Tlangcung ram chung ah Kachin le Chin hi unau taktak kan si, kan tuarnak cu Chin unau tuarnak asi, Chin unau tuarnak zong kan tuarnak asi bantuk in, Kawl pawl nih an duh ning tein nawlngeihnak tang ah akan hruai tawnnak hi atu ah cun, kan zoh sawh sawh ve ti lai lo, tangti in heset kar kan thlang acu taktak cang, mah caah cun mino hna le kan hruaitu hna kan ram ah nunau hna nih him tein um an duh ve cang dakaw, nunau hna cu Pathian nih akan pek mi ram hi kilh ven ding ah nang le kei hi mawhphurnak sang ngai le thuk ngai kan ngei dakaw, diknak le ralthatnak he hnu lei kir si lo in hmailei panh in ning cang lo in akan uktu ralhrang hna hi tangti in, tha thlah bak lo in aherhnak poh ah doh/kah ve ding ah thazang kan ngei ve dakaw tiin adonghnak bik ah KIO/KIA Chairman N’Bang Lah nih atu bantuk in fawrh felnak bia tha taktak mi arak chim mi khi asi.