Kan khua kan ram ah kan thlaithar hna kan zamtak dih ralhrang hna caah pei kan kaltak cang cu, CNO/CNDF nih Mi Sual an tlaih hnu ah thah asi,

Kan khua kan ram ah zalong te in kan um kan inuam ngaingai te khi asi, mah nih dum hna tuah in thlai thar meh hna cu, fresh ngai ngai te in kan ei kan din cu zei dang ruah ding a um lo cu, vawlei pi hi kan Pathian nih zei tin dah akan hruai te hnga? Dum le lo ah kan tuah mi meh aphunphun le tangka hmuhnak ca ding ah tiah “Kham bal” kawl nih “O-U an ti mi hna cu kan cin-I, atha ngai ngai ko, nain atu ah cun kan thlaithar hna zong ei manh bak lo in kan khua kan ram ah himnak a um lo ruang ah, kan zamtak ko cang.

Mah thlaithar hna cu ralhrang pawl nih an mah ta bantuk in an lak ko cang khi asi, zei tik ah dah hnangam tein kan ram ah kan kirthan te lai theih asi fawn lo? Dum kan tuah nak ah tangka tamtuk khi kan dih ve, athei par kan ei hlan ah mikhua mi ram ah kan zam tak dih hna cang apawi bak ko.

Chin state, Falam township chung ah thil sual tuah tawn mi, Cung Ro Suan cu Chin National Defense Force (CNO/CNDF) pawl nih Chin Act upadi ning in, an kong ceih asi hnu November  20 ah khan thah asinak kong CNDF/CNO pawl nih cathanh tuahnak ah langhter asi, Cung Ro Suan cu khuachung le a pawngkam hrawng ah thil fir, dah miah taih, nu tlaihhrem asi cang ruang ah, thawngtla asi ko nain, military council lei nih thawngtla pawl an chuah ah khan an chuak ve khi asi, mah hnu ah lai meithal Tukkuli le namtawng ken in, Falam township chung khua dang dang hna ah kal in thil fir le nu tlaihhrem tibantuk hna cu, ahlan ah arak sual ning nak in azual deuh deuh ti awk khi asi caah, khuachung mipi hna nih CNDF sin ah report- asi cu November 8 ah khan tlaih asi.

CNO/CNDF-nih November 20-ah cathanh tuahnak ah, mah bantuk in thil sual dang dang tampi le mipi thil fir piak, nunau hna tih nung dirhmun ah dirter tu, thawng chung in achuak mi, Cung Ro Suan cu kan nih CNDF lei in bia kan hal fiang cang hnu ah, an kong ceih asi dih hnu ah November 20-ah thah asi, tiin an langhter mi asi, atu hnu zong ah Chin state, Falam township le Kalay-Kabaw hmun ah buainak tuah le sual riantuan a um asi ah cun, Chin Act upadi hmang in khawkhan lairel piak peng asi lai tiah, CNO/CNDF nih cun thawngthanhnak zong tuah cawlh asi.

xxx