Kan Lainu Hi A Men Lo A Men Lo.

Chin miphun chungin USA Sibawi Professor kan ngeih cu nan i lawmtuk ttheu lai. Miphun cawisang tu, thangthar fanau hna nih zohchun tlak taktak a si A mah hi a min cu Irene Nun Uk a si. Dr.Irene Nunuk tiah an auh. A tanglei hi sianginn a kainak konglam tawi asi.

Dr. Irene Nunuk cu Michigan State University College of Human Medicine ah si lei kum li chung a kai. Cu dih cun Medical College of Wisconsin ah Internal Medicine in residency kum 3 chung a cawng. Mah dih cun St. Louis, Washington University ah Kal lei (kidney) specialist in kum 2 chung a cawn tthan hnu ah Indianapolis ah rian ttuan ding in a rak ii thial.

September thla in Indiana University School of Medicine ah Assistant Professor (full time) ttuan ai tim. Southside lei zong ah IU Kal lei clinic ah a ttuan chih lai. Kanmah Chin mi chungin hi bantuk Sibawi Professor tuan khomi kan ngeih hi nan ilawm tuk cio theu lai, tiah ruahchannak kan ngei. Kan fanau te tampi caah zohchunh tlak taktak a si ko, Bawipa nih damnak le thiamnak chap chin hram ko seh! Chin mi tampi khua kan saknak Indy khua ah a rak rat caah CCI upa hna zong a cungah lunglawmhnak tampi kan ngei.

Credit : Chin Community of Indiana