Kan ram chung ah miphun ralkap kan timi PDF/CDF hna hi zei ruang adah an duh ning te in thazang le hriamnam an ngeih khawh lo, Achan?

Chin Miphun chung ah chim ta hmasa silaw, Amarica, Australia, Denmark, Malaysia etc, ah um mi una hna nih hin ram le miphun nan dawt taktak timi fiang te in alang ko, Mi ram miphun dang hna tang ah hmusitnak phunphun karlak ah, Nupi fanau cawm in, hehset rian an tuan hna, zeitin dah in le lo tha kan ngeih ve khawh lai, chungkhar kan bawmh ve khawh lai tiah, tha le zung, thi le thau he bia tak tein rian nan tuannak hna, miphun dang hna bantuk in khuasak nuam deuh nan duh ve ko bu in, kan ram dirhmun hi atu bantuk buainak dirhmun ah kan dir ruang ah hin, nan duhnak caah tangka hmansianh lo in, kan ram kilhventu miphun ralkap CDF hna caah tiah nan ngeih chunchun cu CDF hriamnam le ei/din tiang thazang nan pek hna hi kan hmuh tik ah lung ahmui taktak khi asi, Mah tangka nan thawh khawm mi tete cu miphun ralkap hna caah, mah long te cu abohsan mi asi ve ko, mah pin tangka hmuhnak dang an ngei ve thlei lo khi asi cu mu!

 

Ram dang ah um mi u le nau hna nih ram le miphun nan dawtnak nan langhter bak ko cang, Cun kan Nau lei ram tang ah riantuantu CDF hna zong nih hriamnam an ngeih chunchun te he sual ralhrang asi khawh tawk zuam in an thuat/doh ve hna khi asi, kan miphun ralkap hna cung zong ah lawm lo awk tha lo khi asi thiamthiam ko, miphun kilhven lei le sual ralhrang an thuatnak ah hraimnam tha an ngeih lo hmanh ah an ngeih chun te Pathian nih adirpi ruang ah teinak zong tampi an ngeih twan timi cu nichiar in News site ah kan hmuh peng ko khi asi, hmailei zong ah a herh ning te in ram le miphun caah voluntary in natuan peng rih ko lai pin ah kan ram le miphun nih ni khatkhat ah a thei par kan hmuh ko lai tiah beisei nak sang ngai kan ngei, Pathian nih lam hruai zungzal ko hna seh.

Thil pakhat te van langhter ta ka duh mi cu mah hi asi:- Abawmtu nih tha tein nan bawm ko cang, Cun ram tang ah atuantu zong nih an phak khawh tawk in an tlai mi hriamnam he bia tak tein an tuan ve ko cang fawn, Cu lai karlak te ah thil pakhat fel lo deuh in alang mi cu, Tangka thawhtu le atuantu karlak ah a tawlreltu ah hin thil fel lo deuh hi a um maw sihnga timi hi mi tampi ruah ning asi, athawh tu nih athawh mi tangka hi atuantu ramtang ah um mi hna sin ah a ning te in aphan tawn lo mi hi, CDF hna caah tha zang der deuh nak tawn hi asi hnga maw timi hi asi, chim duh mi cu cu pa nih cu nu nih an ei/fir/lak tinak si lo in, Finance Management tuah nak ah hin biapi ngai in ahngat mi asi, Management thiam lo ah cun tangka tampi arak phan ko hmanh ah alak in adih te ko lai, tangka atamtuk lo hmanh ah kan ngeih chun te hi, a herh bik mi tlamtlinter hmasa hnu ah adang kha cu duds duhs in tuaktan khawh asi.

Mah pin ah ram dang um mi long si lo in, Mizoram chung ah um mi hna zong nih an phak tawk ceu in donation an pek ve fawn, Refugees dirhmun taktak ah adir mi News Delhi Chin mi Unau hna zong nih, tang ka ngeih chun tete donate tuah ve in zei maw tal an cawk ve khawhnak hnga tiin, kar kan thlang vet awn khi asi, mah karlak ah donate tu hna nih miphun ralkap sin ah an herh nak tete ah an hmanse tihi an duh kan duh lio ah, akarlak ah a tawlreltu lei ah sambau deuhnak hi a um deuh in alang, achan cu a cunglei kan chim cang bang in, tawlreltu Management lei ah hin kan izoh deuh hi cu aherh tiin kan hmuh deuh hna, zei hmanh confirm nak cu kan ngei lo, Sihmanhselaw aphan nak ding ah tlamtling te in aphan timi hi Social media ah alang tam ngai tawn khi asi, zei tin dah CDF hna hi thazang kan pek lai kan ti lio ah, Social media hna ah pakhat le pakhat eihmuar/corruption kong hna ah kan chim/kanzai pin ah pakhat le pakhat I puhnak tibantuk hna hi alang ngai ngai fawn khi asi.

Tangka kuat nak ah Bank account ngei hi aher ve fawn, account ngeitu sin ah kuat khi asi, account in hramthawh asi hnu ah tawlreltu kut ah, tawlreltu kut in, thil cawknak le adang hna cu, riantuantu miphun ralkap hna sin ah asi, aho ti si lo in mi tampi hi tangka mit au hi cu, Khrihfa kan sinak he cu akaih lo deuh khi asi, mi vialte an s ikan tinak cu asi lo, mifel mitha tampi karlak ah mitha lo pakhat nih dakaw miphun dih lak mual akan photer twan cu! Mi pakhat nih tihin achim amin chim cu adawh cah lo deuh caah kalanghter lo, Mizoram chung ah agent hna nih hin tangka tampi an ei tawn tiin an FB ah atial, an tiah chih nak ah cun, tahchunnak ah PDF hna hman ding meithal kuan, Raincoat, power bank, rifle le thil dang hna ah, power bank pakhat cu Rs-1500/- man hrawng cu Rs- 4000/- tibantuk hna in an chim khi asi, Rifle/Gun hna ah le bang cu van tuaktan ve ko cang law, Rs-300,000-400,000 man hna khi asi, transportation ah hin adih fawn lai, Mizoram ah arak um sau deuh cang mi hna le Motor ngei pawl nih, hi bantuk thil hi tlaih sual hna a um ah cun case asang bak mi asi tiin, rate doble in an lak piak hna a um, ram le miphun dawtnak cu chim her lo, zei tin dah tangka hi ning cang lo deuh hmanh ah kalak khawh lai tiin an ruah mi asi.

Mizoram le ramri karlak hrawng ah buaipi tawn mi hna hi, khuasak an inuam tuk hna cang an ti fawn, cheu khat hna cu Zu he sa he an inuam ngai an ti fawn, Mi pakhat nih report a pek ning tawi cu:- Transportation ah Mizoram to ramri- Petrol+dinner+thil dang le hire rate total Rs- 40,000 leng adih, adang thil tampi a um ko, mah hi tahchunnak ah karak langhter maimai khi asi, mah hna vialte hi pakhat le pakhat social media ah an chim mi hna asi pin ah cheu khat hna nih le bang cu Kawlca in ca atial tik ah aherh huha lo mi Kawl pawl zong nih kan mizia anrak theih tawn thil poi ngai mi asi zarihse.

Cre:Moses pa