Kan Unau Paletwa Leiin Thawngpang Kan Theih Mi Cu A Poi Tuk Hring Hran Ko.

Kahdohnak A Chuak Sual Lai Ti An Phan Caah Paletwa Peng Khuate Pathum Um Mipi An Zam Dih.

Chin ramkulh, Paletwa peng ah AA le SAC ralkap kar kahdohnak a zual ngaingai caah Paletwa peng khuate 3 um khuami hna cu an zam dih, tiah mi bawmchantu pastor pakhat nih a chim.

“Zeitik ah dah kahdohnak a chuah lai ti chim khawh a si lo. A zammi khua 3 hna cu AA ralkap le SAC ralkap an umnak he naih teah a ummi an si caah a hlan kan in an zam chungnak a si,” tiah a chim chap.

Tharyarkone, Kyaukpala le Sattharlawa(ဆပ်သာလ၀) khuami inn 90 hna cu Miza khua ah an zam i milu in 350 leng an si.

Church min in kan kuatmi hna hi kyats sing 10 hrawng lawng a si. Chungkhar an tam caah an i za lo, a tlawm bik sing 100 leng paoh cu a hau lai, tiah pastor pakhat nih a chim.

Paletwa peng ah AA le SAC ralkap kahdohnak a chuah ṭhan caah tualchung mi hna cu Paletwa khua chungah a zammi zong an um. Ralhrial in Paletwa khua chungah aa dormi hi 5,000 leng an si cang, tiah theih a si.

Credit : The Chin Post