Kawl nih ralhrang hna hmang in ram chung um mi tlangcung le abik in Chin mi hna hi thah cihmih akan timh thazang thlah lo in kan doh peng rih lai,

Myanmar ram dictator Gen. Min Aung Hlaing ralkap hna nih Chin state chung ah, ahmasa bik ah Thantlang ah cawlcang in In tampi le vawi tampi meikhangh piak asi cang, timi cu kanrak theih ceu ko cang kha asi, Falam Hakha le Tiddim khua hna zong ah, Myanmar ralhrang hna nih mip sualnak ngei lo cung ah kutthlak le thah asi, aceu hna cu tlaih in saram bantuk in hrem an tong hnu ah athi mi zong an tam pah cang khi asi, zeihmanh sualnak angei lo mi tlaih in thawng an thlak hna, achung hna nih zeitik ah dah arak chuahter hnga tiah an ruah liopi hna ah thihnak dar khing thawngtu achung lei sin ah an thanh piak tawn cu, apawi ngai ti pin in apawi hringhran khi asi.

Chin State thlanglei Mindat, Matupi , Kanpelet, Paletwah Khua hna zong ah an him hlei lo cu, atu ah Matupi Valangte khua hna le bang cu mipi an um ngam tilo, cheu khat India ramri lei ah an zam, cheu khat ram tang ah an zam lio ah ralhrang hna cu mah khua chung in kip ah lut in thil tampi an fir/an lak piak, Vok le Ar hna cu ralhrang hna meh asi ko cang, arap thlak taktak khi asi cang, Sagaing region chung ah cun Kalay kabaw Zophai an timi chung ah um Chin mi hna cu, bia tak tein an thuat hna peng cang fawn khi asi, in le lo an buah piak hna, atu ah Tiddim ah Nu 2 cu an pasal hmaika bak ah tlaihhrem piak an si, kan tuarnak hi arap thlak taktak, hmun dang hna ah mah tluk in an cawl cang lo Chin ram chung ah cun atu bantuk in ralhrang hna hi an cawl cang ko.

Chin state chung ah um mi hna cung longlong ah hraimnam lian hna an hmang, mipi sualnak ngei lo an kap sawh sawh cang fawn, ram khat le ram khat idoh bantuk asi ko cang cu, Hriamnam Lian pipi, Bomb, Tank le Armouer car hna an hmang pin ah Van boruak in, Jet figher le helicopter hmang in faktuk in an thuat hna, atu ah cun Operation taktak in target asi cang, amin ah Chin /Zo miphun hna umnak hmun dang dang cu Military council ralhrang hna nih thazang an chuah cuahmah liopi asi, Chin State-ah hin Chin/Zo miphun hna hi Tingli leng an um lio asi, Myanmar ram population in kantuak ah cun 1% zong tling lo kan si, Myanmar ralkap hna hi Tingli leng an um ruang ah, Chin/Zo miphun zat tluk khi an si ko cu.

Chin state le Kalay kabaw Zophai chung ah Chin/ zo miphun hna hi, Chin le Mizo hi phunkhat kan si ko, mah hna cu Myanmar ralhrang hna nih cun kan chung ah hin, minority dirhmun ah kan dir pin ah Khrihfa kan sinak tiang in thlei dannak discrimination dirhmun bak kan si, Khrihfa kan sinak le Biak in hna zeihmanh akan rel piak lo fawn, aruang cu Pastor le Evan hna zeihmanh sualnak angei lo mi hmanh tlaih/vuak/thah thawngthlak asi tawn ko cu, minung sinak in kan zoh zong ah tlangcung mi kan nun hi saram nun tluk ah akan chiah ko hna khi asi.

Kawl nih Chin miphun hna hi cimih (Genocide) dih akan tim bantuk asi cang atu dirhmun ah cun, Mirang pa catialtu Bertrow-nih cun kumzabu 20-nak hi ithah/cimih nak kum kumzabu “century of genocide.” Tiah kan ti khawh lai tiin arak tial cang khi asi, “Genocide” mah bia fang hi ahlan lio ah Judah miphun an thah lio ah anrak hman mi asi, miphun thah cimih tinak asi, Convention on the Prevention of Crime and the Punishment of the Genocide,” ( Ethnic /tribe/ race) ti zong in chim khawh fawn asi lai, mah hi atu ah Kawl ralhrang hna nih tlangcung Chin miphun hna cung ah an hman cang maw sihnga?? Timi hi ruah ngai ngai awk khi asi cang.

A hlan liopi in tlangcung Chin mi cung ah Myanmar nih an lungput hi asi ko cang kha asi, atu ah hin remcang ah lak in akan thuat ning le Pathian riantuan mi hna zong sualnak ngei bak lo mi tlaih/thah/thawngthlak asinak hi kan zoh tik ah cun, tlangcung miphun tlawm mi hna hi thah cimih akan tim ti awk khi asi, Sr Gen. Min Aung Hlaing nih ralkap hna cu Chin State chung ah battalion tampi arak thlah hna cang khi asi, mah cu miphun venhim duh in Chin tlangval pasal tha hna nih anrak doh vet awn ko, hramnam tha angei lo hmanh ah idohnak kip ah ralhrang pawl an thah ve peng fawn hna upat thangthat tlak taktak an si ko e thlacam piak philh hlah u sih.

Miphun ralkap hna nih atu ah hriamnam an hman mi hi Lai meithal le elbun hna khi asi, mah hmanh ah Bawipa nih adirpi ko tim cu afiang ngai, kan ram abuai ruang ah himnak duh in India ramri Mizoram kan unau umnak hmun ah mi tampi nih an lut ko cang fawn, mah hna cu kan unau Mizo hna nih dawtnak le zangfahnak ngei in tha tein akan dawn, ei le din, hniphuan phun kip hna, um kheng ti bantuk in akan pek, meh cawknak ding ah tangka hna zong akan pek mi kan ruah ah hin chuahnak hmun khat miphun pakhat kan sinak cu ataktak in alang chinchin leng mang ko, lawmnak bia chim cawk lo kan ngei, kan mah nih cun zeitik hmanh ah kan sam kho lai lo nain Bawipa tu nih alet sawm 30-60-100 tiang in thluachuahnak a pek ko lai tiah kan zumh mi asi ko.

Chin state chung ah um mi Chin minih hin zeitik ah dah free dom kan si ve lai???