Kawlram ralhrang hna nih miphun ralkap hna he an ithuatnak ah miphun ralkap hna nih an kulh dih cang nain cung lei in anrak kah caah an van tha,
Kawlram ralhrang hna nih miphun ralkap hna he an ithuatnak ah miphun ralkap hna nih an kulh dih cang nain cung lei in anrak kah caah an van tha,
Tuzing suimilam 7 hrawng in Tahan/Kalemyo Chin State kalnak lampi High Way ah a um mi Hriang Zing khua ah, Military Council ralhrang pawl le Mipi ralkap ido/kahnak aphan than, Tahan rawn, Kalay University Campus in Military council (SAC ) ralhrang hna nih, meithalpi he dongh lo tein anrak thuat kah khi asi, zing suimilam 8:20 hrawng ah Russia tuah mi MI-35 Helicopter 2 nih Hriangzing khua ah hmunhma ngei in um mi hna miphun ralkap CDM( Siyin), PDF (Zoland), Zogam Army CNA, CNDF, CDF, KKG,Zomi PDF, PDF (Kalay) hna cu, fak ngai ngai in anrak kap hna khi asi, mahi doh/kahnak hi chun nitlak tiang idoh/kahnak ah can an hman, SAC Military ralhrang hna chung ah athi mi le hriamhma zeizat dah asi timi fiang in theih khawh asi rih lo, Mipi ralkap lei in pasal tha Mung No cu bomb puak in afuh deuh caah miphun le ram caah nunnak a pek tiah theih asi.
Hriangzing khua ah hin zahan lei zong ah an idoh cang kha asi, Military council ralhrang minung 15 tluk thi in hriamhma ngei zei maw zat an um fawn tiah anti,an thi a, Hriangzing khua hi Taingen thlang lei deuh ah um mi khua asi, Hriang zing khua pawng ah umnak hmun ngei ve mi Myanmar Military Council ralhrang hna cu Chin miphun ralkap hna nih an kulh dih deng mang cang khi asi ralhrang hna dirhmun atha lo ngai ngai cang, mahr uang ah cun Van cung lei in Helicopter 2 hna nih methalpi le bomb hna he anrak thuatnak kha asi,Mah hnu ah Tiddim lei in SAC ralhrang pawl lei bawmtu ZRA 20 le SAC ralhrang 60 hrawng cu Taingen lei pan in, ralhrang thazang angei tilo mi hna bawm ding in an kal kha asi, zan lei suimilam 5 hrawng ah cun miphun ralkap tangrual mi hna hriamnam atha tuk lem lo ruang ah, Hriangzing le Taingen hmun cu Successfully retreat tha tein a kirtak kha asi.
Van cung lei in helicopter le hriamnam thatha mi hna he khat lei in anrak kah khi asi, meithal sawh sawh si lo in meithalpi bomb kahnak phun bak in vawi tampi anrak thuat hna kha asi, Asin ain kan miphun ralkap hna cu Pathian nih a umpi ruang ah thi le hriamhma ngei an umtuk lo khi asi, cuticun van cung in vawi tampi anrak kah hmanh ah, kan miphun ralkap hna cu khua le ram umtu ning kal chukchonak lam arak theihngalh tuk ruang ah an timh ning le an duh ning in tlam atling ve khawh bak lo khi asi, vawlei ah um mi SAC ralhrang hna le bang cu an cawlcang kho hrimhrim ti lo khi asi, cunglei in bawm hlah selaw an thah dih ko hnga, kan miphun ralkap hna caah thlacam piak peng ko hna u sih.