Khuaruah har bik thihnak kong asi, A Ni he zan khat riak ding in lo ah akal mi kum 13 long a sirih mi Catherine thihnak cu ralthlak tuk khi asi,
Khuaruah har bik thihnak kong asi,
Nihin 19th February 2022 Khawzawl pawng Khuailui ram thlam ah Catherine Thangbiksiami (13) D/o Langdihpiang cu,A ni Pi Chingsianzovi he an riahnak thlam ah hri he hren in athi tiah hmuh asi, athattu tiah an zum mi A ni cu tlaih cawlh asi, an chim ning ah cun Catherine-i pa hi a thi cang mi asi, a nu hi Falam-ah a um mi asi, Nai hrawng ah Catherine-i hi a Pi Dimmanchhingi, Khawzawl Zuchhip veng ah um mi sin ah khuasa asi-I, nizan ah khan Khuailui ram ah hin meh lak ding in A ni he dum thlam ah an riak lut, zan khat long riak ding in an chim mi asi, A ni Chingsianzovi nih cun tuzing ah khan Suimilam 7:00Am hrawng ah khan, Khawzawl khua pawngte Tuisen phai ah police check gate-ah thil umtu ning achim khi asi, Nizan ah a vahnu he ram an pahnih in ram ah an riak tiin achim, “An riahnak thlam ah cun zan mui ka te ah mipa 3 rakra in, hramhram in Catherine-i cu akan chuh nak ah mipa pahnih hna nih an hruai daih khi asi, an mah chung ah pakhat cu ari tuk caah, kan ithuat nain ari tuk cang caah kei mah nih ka tei tiah ati, A kut le ke ah kahren pin ah a hngawng ah hri ka awhter fawn tiah ati.
Catherine-i cu apawng kam hna ah torch light keng in ka kawl nain ka hmu lo, ka au zong ah eih-ding an um lo, zan suimilam 1:00AM hrawng tiang kahmuh lo caah bei dong ngai ngai in ka kir tak ko, mipa khat ka hren mi cu aning te in arak um ko, chnawnh zong kan in chawnh ko, cun ka ihnak pawng ah thleitlung le namtong ka chiah, tuah akan tim ah cun, kan thah zong ah poi ka ti lai lo tiin ka hrocer hnu ah ka ih tak khi asi, zing khuaceu ah cun, “rakra lampi ah kan hruai lai tiah kati, nain arak thi diam cang tiin police-ah achim hnu ah an ipek ve cawlh kha asi.
Police-hna nih cun an umnak veng VC le YMA hna cu an theihter ve cawlh hnu ah, Catherine-i kawl ding le athi mi mipa ruak cu lak ding in an riah nak thlam ah cun an va phan hna ah cun, thlam chung ah cun mipa ruak si lo in Catherin-i ruaktu cu thlam chuat ah rizai/puan sin ter in, alung cung sam cu alang dih ko cu anrak hmuh kha asi, an rizai/puan sinter mi an lak piak ah cun A Ni-nih mipa a hren tiin achim ning bantuk tein, Catherine-i cu hren arak si, akal mi hna nih mak/khuaruah har an tin gai ko, mipa ruak lak timh mi cu Nu kum 13 ruak arak si cu mu, Catherine-i ruak hi a kut le a ke hri in hren piak asi mi cu fiangte in an hmuh hna khi asi, Chingsianzovi hi ari tiah thawngthanhnak nih achim, Police-hna nih cun Catherine-i A Ni Chingsianzovi cu an tlaih cawlh, Catherine-i ruak hi Zuchhip veng YMA hna nih a her ning in an buaipi hnu ah, Khawzawl Sizung ah Post-mortem an tuah hnu ah Champhai Bethel veng ah a Pute in ah ruak hi la kasi, an chim ning ah cun a Ni nih hin thingro lak ding in akilter mi asi, thingro tlawmpalte long arak ken caah athinhun tuk nak ah atu bantuk in atuah mi asi tiin an chim.
Cre : Vanneihthanga