KNLA nih ralhrang pawl camp an lak piak than cang hnulei in bawmtu ding ah ralhrang lei nih ralkap dang an ngei ti lo,

Kayin state Myah wati khuapi thlanglei Phalu-walei ah ralhrang camp cu, nihin ah kha  KNLA nih an lak piak than cang, mah camp ah um mi ralkap hna cu hnu lei in rak bawmtu ding ah Militar ralkap a um ti lo caah an zam dih hna tiah Kayin chim nak nawlngeitu pakhat nih atu bantuk in Irrawaddy Media achim mi asi, Phalu le Tebaw pho cu 15km long asi, t uhlan ah cun hnulei in ralkap bawmtu hi an rakra cawlh tawn, atu ah cun aho hmanh an ra ti lo, ralhrang cheu khat hna cu tawhrawlh tawi he Pathian biaknak chung ah an thu hna, camp ah a um mi hna he zei hmanh ipeh tlainak kan ngei lo ti phun bak in an um ko tiah KNU lei zong nih achim chih ve fawn khi asi.

May 18 zong ah ralhrang hna camp pakhat an lak lio zong ah cun, N0-44 battalion hna nih anrak bawm lai tiah kan ruah lio ah N0-44 hna zong nih anrak bawm lo khi asi, an mah nawl si koseh ti phun bak in an um tiah ati, Tebaw camp hi KNU N0-6 battalion umnak huam chung ah um mi an si, mah camp ah hin ralhrang hna hi 30-50 tiang an um tawn mi camp asi, kan idoh nak ah captain he ralhrang 5 thi in, 7 hna cu an tlaih hna khi asi, hriamnam le meithal kuan tampi he tlaihchih asi tiah KNU thawngthanhnak ah an langhter mi asi.

KNU battalian N0-5, le N0-1, hna ah fakpi in idoh asi, mah kan idohnak zong ah cun hnulei in bawmtu ralkap an ngei ti lo caah tampi ram lak ah an zam hna tiah KNLA nih achim fawn, atu bantuk in idoh kahnak ah hin ralhrang nih hnulei in bawmtu ralkap an ngei ti lonak hi, March thla dih hrawng in asi cang ati fawn, arak bawm khawh tawn ti lonak hi, kan ruah ning ah cun bawmtu ding ralkap dang an ngei ti lo asi lai tiah kan zumh mi asi tiin, KNU hruaitu pakhat nih atu bantuk in Media ah arak chim mi asi.

KNLA hi PDF hna he ifawnh in atu lio ah hin Kayin lei ah hin an cawlcang nak ah tha zang an ngeih ngai ngai khi asi, ralhrang pawl hi Battalian pakhat chung ah hin ralkap hi 60-70 hrawnghrang hi an um cang tiah CDM atuah ve mi Military pakhat nih achim mi asi, achim than nak ah Myanmar ram chung ah hin ralhrang  pawl cu, minung lut thar an um ti lo pin ah, pension cang mi zong an um pah peng fawn, cheu khat hna cu van chiat ah athi ve peng fawn tik ah, ralhrang hna hi minung an tlawm chinchin cang tiah CDM tuah tu pakhat nih atu bantuk in arak chim chih mi asi.