KNU nih kawlram ralhrang Hruaitu/Leader Min Aung Hlaing cu remdaihnak kong achim peng mi an zum lonak cakuat cu,
National Unity Advisory Council NUCC tel in Ethnics le adang bu hna he Assembly nih confirm cang mi Federal Democracy le Federal republic constitution athar tuah ding ah, KNU Centre Secretary Mr Padoh Kyaw Tony nih atu bantuk in achim, KNU nih ningcang in interview an tuah nak ah acung lei bantuk in arak chim mi asi, mah can ah hin KNU nih can liam cang mi Assembly nih arak pawm cang mi Federal Democracy kal ning ah lungrual tein pawm arak sicang, mah bantuk tein constitution thar tuah asi cang lai tiah Padoh Kyaw Tony nih achim chih mi asi.
A tu ah hin KNU cu Min Aung Hlaing nih remdaihnak ding ah iton ding in sawmnak cu kan hnawn/pawm piak lo khi asi, ataktak ah cun Min Aung Hlaing nih Ramkhel harsatnak cu remdaihter atim mi taktak asi lo timi hi fiang tein kan theih ko tiah ati, Hramhram in nawlngeihnak la kasi lio ah kan mah hna le tlangcung mi hna duh ning vialte hna cu akan hrawh piak dih tiin kan ruah ko tiah ati fawn, mah bantuk asi lio ah ramkhel kong ah remdaihnak ding ah itonnak ngeih timi cu hmailei kal khawhnak lam a um bak lo mi asi, kachim duh mi pakhat cu nawlngeihnak an lakh nu ah hin ningcang in, rampi hi an kalpi lo mi asi pin ah, ningcang lo thiuamthiam in remdaihnak chim ding ah ati mi cu, zeitik hmanh ah asi kho mi thil asi lo caah, kan nih nih cun duh bak lo in sawmnak kan pawmpiak lo khi asi tiah ati.
Min Aung Hlaing nih remdaihnak ding ah tiah sawmnak atuah mi zong aphung asi lo, tlaih/doh ding ah lam an kawl mi asi khawh tiah ati fawn, Min Aung Hlaing nih kain remdaihnak tiah chim ko hmanh selaw ataktak ah thil tuah mi ah hin, chim ning bantuk si lo in an tuah mi cu adang daih khi asi, achim mi adang, atuah mi adang hi bantuk minung hi zei tin dah kan zum khawh lai tiah ati, KNU lei nih kan ruah ning ah cun remdaihnak tiin achim ko nain, tuah an tim mi ah cun thuatnak ding ah remnak can akawl mi asi lai tiin kan ruah bak ko tiah Kyaw Tony nih achim piak bak ko.
Mahruang ah cun Min Aung Hlaing nih zei bantuk bia achim ko hmanh ah zumtlak asi lo timi hi mipi theih zong ah phuan ka duh fawn, kan hnu lei deuh zong ah cu bantuk cun remdaihnak ding ah tiah PDF hruaitu hna iton ding tiah ahmun hma le acan hna an tuah pi hnu ah, khuate pakhat ah cun an iton hna hlan te ah mah khua cu kulh dih in an thuat hna cawlh, mah khua cu mei an dawh piak pin ah mipi zei maw zat an thah hna, PDF 2 an thah pakhat nih faktuk in hriamhma a ngeih, mah thwang pang zong kan theih dih ko cang, mah caah cun Min Aung Hlaing bia hi vawlei dongh tiang zum tlak a um lo tiin aleh bak hna khi asi.
Min Aung Hlaing ka in achuak mi bia cu remdaihnak tiah achim peng ko lai, asi nain ataktak ah cun, remdaihnak lam hlatter tu deuh deuh khi asi, mah caah cun Min Aung Hlaing thil chim mi reng reng hi Lih asi timi hi theih hna ulaw, zei tik hmanh ah atak ram nan hmuh lai lo tiin mi dang theihter nak ding ah achimchih, an bia chim mi hi lih le hrawkhrawl longlong achim mi asi, tlangcung hriam tlai mi hna le party Leader hna tiang nih ralhrang Leaders Min Aung hlaing bia chim hi zei tik hmanh ah zum hna hlah u tiah chim kan duh hna tiin, Min Aung Hlaing ca akuat nak ah alanghter chih mi asi.
Ahnu bik ah aleh mi bia cu remdaihnak chim ding ah, idoh kahnak ceasefire tuah ding ah tiah achim tawn mi hi sul lam angei lo mi bia asi, achim in chim hrimhrim ti hlah tiah KNU nawl ngeitu pakhat Padoh Kyaw nih atu bantuk in ca akuat mi asi, remdaihnak chim ding ah nakan sawm mi KNU, KIO, ABSDF, CNF hna he kan dih lak in mah meeting ah cun kanrak kai khawh lai lo tiin a leh mi ca-cu cathanh tuahnak ah arak langhter chih mi asi.
Ref: Khit Thit