Laipa Professional Boxing aa Thokmi Cakei cu Media nih an Konglam an hal cang (VIDEO)

A hmanthlak pawl zong a tanglei ah a um lai. Van zoh teh.

Zahan tihni khan Kan laipa NT.Lal Biak Kim  nih cun professional boxing thok hram aa thok. Professional  boxing tak tak i thonh khi a fawi bak lomi lam tampi lonh a herhmi  a si. Kan laipa nih cun zahan tihni khan Vawleipi huap i boxing aa thoknak ding caah a lam a van thok. Zahan tihni aa thonghnak hi Professional boxing aa thoknak bantuk a si. Hi ti hin teinak a hmuh peng ahcun vawleipi huah in a lang te lai.

Zahan tihni i NT.Lal Biak Kim  nih a phomhmi pa hi kala pa a si. Round 1 zong a dih hlan ah NT.Lal Biak Kim  nih hin a tei diam. Knock out bak in a tei rih. Kan laipa hi tih a ngei baklomi cakei bak a si ve.Tutan a phomhnak hi India ram ah a si. Hi ti ning tein teinak a hmuh peng ahcun sang pi a phan ko. Zahan tihni aa phomhnak kong he pehtlaiin tonbiaruahnak zong an ngei. Video hi van zoh. Zahan tihni aa phomhnak kong he pehtlaiin biahalnak le tonbiaruahnak an tuah. Video hi van zoh.

Zahan tihni i kala pa a teinak video zong hi van zoh chih. A men bak lo laipa.  NT Biak Kim hi mizoram, saiha i a ummi a si. A nule pa hi lai holh zong an thiam. Laipa mi bak a si. Mizoram i a ummi a si caah mizo lei nih mizo an ti ve nak a ruang zong a si ve.

A hmanthlak a hlun deuhmi  pawl:-

 

Relchap:-President Trump Nih Martial Law Chuah Dingah Ruahnak Hal Hna.

President Donald Trump nih ruahnak a petu hna cu a auh hna i martial law chuah khawh a si le si lo, martial law chuah ah zeidah a cang kho? martial law chuah in zeidah an tuah khawh timi le US phunghram ah martial law chuah khawh a si le si lo ceihmainak tuchun ah an ngei. Martial Law chuah ding ruahnak hi General Michael Flynn nih a chuahpi mi a si. President nih martial law a chuah hnu ah ralkap nih a herhning in tuanvo an laak lai, White House ah Joe Biden lut lo dingah an kham lai. Swing state 5 ah vote firnak le hrokhrawlnak a ummi vialte kherhhlai dingah special counsel caah Sidney Powell tuanvo pek an timh. Tuanvo an pek taktak ahcun voting machine pawl le vote firnak le hrokhrawlnak vialte an kherhhlai dih lai i, report an pek lai.Martial law an chuah taktak ahcun vote thlakning le vote relning a buai tuknak, Battle ground state 5 ah thimnak a thar in tuah a si kho men. Asinain US constitution nih a onh taktak le onh taktak lo fiang tein an chim kho rih lo. President Trump nih biachahnak taktak a tuahmi um rih lo. Source: Salai Lairamthang