Lancang-Mekong Cooperation ah tel ding in China Foreign Minister cu Myanmar ram ah a tlawng lai,
China foreign minister Wang Yi cu tuzar chung ah hin Myanmar ram ah a tlawng lai, mah hi Myanmar ralkap hna nih civil acoyah nawl ngeihnak an lak hnu ah, China ram mi pawimawh cu a tlawngnak hmasa bik ding asi, China hi Myanmar caah hriamnam supply-tu lian bik le, Myanmar ralkap tuanpitu tawn arak si, Ralkap hna nih kan hnu kum ah civil acoyah nawl ngeih nak cu hramhram in chuh piak tiah atu tiang ah hin, China nih an chim duh bak lo mi asi.
Thlang lei ram hna nih Myanmar ralkap acoyah phih/hremnak an tuah hnu ah, Myanmar ralkap hna nih hin China le Russia cu tuanpi tha si ding ah, hma an lak cuah mah lio mi asi ve fawn kha asi, April thla ah khan China nih Myanmar cu zei bantuk dirhmun ah a dir zong ah, ram chung ah khawkhan lairel nak le nawl ngeihnak lei ah, an dirhmun humhak piak ding ah le venhim nak ding lam ah, asi khawh chung in ka bawm lai tiah anrak chim cang kha asi fawn, China thluak cu kanrak theih ceu bang in Myanmar ram chung ah thil thatha thing le mau, Gas le oil, Sui le Ngun an ngah khawh ah cun, ram chung mipi nih zei bantuk harsatnak angei zong ah poi ati lo bak mi cu China asi.
Mah lio ah hin vawleipi huap in ram tampi hna nih Myanmar cu communication lei le Relationship lei ah ipeh tlainak vialte cu stop dih in an chawnh duh ti hna lo khi asi cang, ralkap hruaitu hna zong Normal in aho ram hmanh nih an chawnh duh ti lo kha asi, Asian group zong ah tel ngam asi tilo, vawlei huap meeting pawimawhnak zong ah an tel ter hna tilo kha asi cang, mah lio ah China le Russia sin ah tlawng in hawitha si ding le tuanpitu si ve ding ah achim mi cu rem an ti piak mi kha asi.
Ralkap nawlngeihnak an ngeih hnu ah Cambodia hruaitu Hun Sen long te cu, ram dang hruaitu tlawngtu ngeih chu nasi, February thla ah Association of Southeast Asian Nations (ASEAN) summit-zong ah Myanmar ralkap acoyah foreign minister cu, kal ve khawh lo ding ah khamh piak asi, Wang Yi hi Lancang-Mekong Cooperation foreign minister meeting-nak ah a tel lai tiah, Myanmar ralkap thawng thanhtu Zaw Min Tun nih achim, Myanmar ram ah acam chung ah hin, Wang nih hin ralkap hruaitu Min Aung Hlaing meeting a ngeihpi lai maw?? Timi cu chim fian nak a um lo.
Lancang-Mekong Cooperation foreign minister meeting hi July 2-5 chung ngeih a si lai, Cambodia, Thailand, Laos, Myanmar le Vietnam foreign minister-hna an tel lai tiah thawngthanh nak nih atu bantuk in arak langhter mi asi.