Last Update News Myanmar ram buainak ruang ah Mizoram-ah ralzam zohkhennak caah acoyah nih Rs-3.8 million hman asi cang,

Last Update News,

Home Minister Lalchamliana nih an chim ning ah opposition Leader Lalduhoma le Congress Member C. Ngunlianchunga le Lalrindika Ralte hna nih an hal mi cu, paper catial in an lehnak Mizoram acoyah nih ralzam hna bawmnak hi pe kasi, mah bawmnak tangka hi Mizoram sin ah central acoyah nih lam dang dang in tangka an pek mi he bawm tawn an si tiah Home Minister nih ati, Mizoram acoyah nih tukum February 12 tiang an chinchiah mi ah Myanmar lei in Mizoram-ah ralzam arak lut mi hi minung 24,289 an tling cang tiah an ti, mah chung ah 9,033 hna cu Relief Camp-ah an um hna khi asi, a dang minung 15,256 hna belte cu an chungkhar hna le an hawi hna sin ah um mi an um pin ah cheu khat hna cu in thlang in um mi zong an um fawn tiah report ah langhter asi.

Ralzam hna hi District dang dang ah umter dih asi, Siaha District-ah tam bik an um minung 8,381 an um, Champhai District-ah 5,925 an um, Lawngtlai District-ah 5,409 an um fawn, Home Minister nih Rs-3.8million hi District D C Office kut chung in ralzam hna sin ah bawmnak hi pe kasi, Relief Camp tuah/saknak, Relief Camp-ah Electric peknak, Water/ti chiahnak Sintex tanky ti bantuk hna cawknak, Ek In saknak, Eidin le sii/medicine cawknak, Hnipuan le thil dang hna tete cawknak ah hman asi tiah Home minister nih report peknak ah alanghter mi asi, Ralzam hna hi kan chinchiahnak hi asau pah cang caah atu ah hin minung 30,000 leng an um cang lai tiah zum asi ati.

Bia chap : Kan unau Mizoram chung ah um mi Acoyah siseh, MZP siseh, YMA siseh, VC hna siseh, NGO’s Dangdang hna tiang le khuachung Nu le Pa Khrihfa bu tiang nih Myanmar in himnak duh ruang ah alut mi asi, mah ralzam hna hi cheukhat hna cu ram dang ah a um mi chungkhar le unau ngei mi hna nih bawm mi an um ko lai tiah zum asi, cu bantuk ram dang in bawmnak angei lo mi le Mizoram NGO’s hna bawmnak long angah mi an um ko lai, abik in chak lei Chin Unau ah hin khuasak ning thiam lo hi kanrak um tawn, achan cu tangka lei ah harsatnak an ngei lem lo zong asi kho men? Zo/din sa/ei lei hi isum ve deuh selaw atha ngai, atu ah khua pakhat ah zurit bu in holhka a uah ngai ngai fawn le mi zei rel lo phun in khuasa mi hi an um pah len ko tiah theih asi, misual pakhat ruang ah mi tampi nih an tuart awn khi asi caah, mualphonak lei hi chuahter lo hram hi thil tha bi kasi ko lai?

Ref: Home Dept News

Chin State, Kanpalet-ah fakpi in ralhrang le miphun ralkap hna an idoh nak ah Captain he ralhrang 6 nunnak aliam tiah,

Chin state Kanpalet township chung ah nizan March 7 zing lei ah khan military council ralhrang hna le Miphun ralkap Kanpalet CDF hna karlak ah fak ngai in idohnak achuak, mah idohnak ah hin ralhrang lei ah an Captain he minung 6 an thi tiah, CDF thawngthantu sin in theih asi, Magwei region lei in Kanpalet lei ah hmunthum ah ithen in akal mi ralhrang hna nih operation ngeih asi, Vanlawng tumnak hmun pawng te ah, zing lei suimilam 9:00AM hrawng ah khan CDF Kanpalet tel in Alliance pawl hna he ralhrang pawl cu vawi 2 an idoh/kap asi, CDF lei thawngthanhtu pakhat nih achim ning ah cun “Military council ralhrang lei ah force 150 hrawng an si, hmunthum in an ithen hna khi asi, anrak ratnak lei ah Alliance pawl tangrual timi miphun ralkap hna he an ithaut kha asi, fak ngai in kan ithuat hna tiah an ti.

Military council lei ah captain rank pakhat le ralkap 5 an thi tiah confirm asi, miphun ralkap lei cu vanthat ah athi mi le hriamhma ngei an um lo tiah thawngthanhnak nih alanghter mi asi, mahi doh kahnak ah hin Kanpalet khuachung ah um mi ralhrang hna nih an bawm hna tiah theih asi, meithal pi  hmang in anrak bawmh ko hmanh ah, an mah lei hi thazang athawngtuk lem lo lei ah an si tiah anti,Military council hna nih Kanpalet khuachung mipi umnak ah kal in thil tampi an hrawh piak, an lak/fir piak hna tiah, an duh mi phun thil an hmuh ah cun an lak dih hna pin ah Ar hna zong an fir/lak tiah report ah langhter asi, tangka zei maw zat an fir piak pin ah, an umnak in mei an dawh piak fawn tiah report ah tarlan asi pin ah khuachung um mi hna nih mit in an hmuhnak kong an chim mi khi asi fawn.

CDF nawl pek bantuk in ramri nainak khua hna cu Zokhawthar ah tampi an lut,

Chinland Defense Force- cathanhnak an tuah mi ah cun, Tiau/Khawmawi mipi hna cu zan lei suimilam 6:00 hlan ah hmun himnak lei pan/kal dih ding in tiah cathanh an tuah nak ah an langhter mi asi, mahruang ah cun Zokhawthar ah ralzam tampi an lut chih than tiah theih asi, Tiau/Khawmawi, New Rihkhawdar, Old Rihkhawdar, Haiheng, Old Lianhna, New Liantina, Vutbuak, Kawilam, New Haimual, Zimpui le Zimte khua mipi vialte hna cu ramtang hna ah aho hmanh vak chuak lo ding in CDF hna nih an theihter khi asi, Khawimawi ah Myanmar ralkap an ikulhnak ah hin ralkap 30 hrawng an um tiah zum asi, CDF mipi ralkap lei ah hin ralkap100 hrawng an um tiah Zo Rin Daily nih an chim, Zokhawhthar branch YMA president Thankunga sin in thawng kan theih ning ah, atu dirhmun ah hin ralzam hi zeizat dah an um timi hi fiang te in theih khawh asi lo, achan cu ralzam thar arak luh peng caah hin tiah ati.

Military Council ralhrang nih Nu Kum 42 tlaihhrem asi hnu ah afa nu he an thah piak,

Pauh township, Inngedaung khua ah um mi Nu kum 42 asi mi Ma Aye Aye Win cu, ralkap nih an tlaihhrem hnu ah an thah cawlh, an fa nu kum 3 asi mi Ma Ya Ti Moe zong thah piak asi fawn tiah Khit Thit media ah an chim piak khi asi, March 5 zan lei ah khan military council ralhrang hna nih Inngedaun khua cu meithal pi he an kah hnu ah khuachung ah cun an lut cawlh chih,an luhnak khuachung hmun khat ah cun Nu pakhat an fanu he zam an tim lio ah Ma Aye Aye Win cu military council ralkap hna nih an tlaih khi asi, an umnak in pawng ah cun ralhrang zeimaw zat nih an tlaihhrem hna hnu ah, an thah cawlh tiah Khit Thit media nih an langhter mi asi.