Lawmh A Um Kho Tak Tak Si..! Bawipa An Dawt A Si Ko.

BCM Pastor Area Pali Ah A Um Mi Myanmar Ralzam Hna Bawmhnak An Pek.

BCM Pastor Hna Nih An Area Pali Ah A Um Mi Myanmar Ralzam Hna Bawmhnak An Pek

Mizoram Bapstist Church- BCM nih Myanmar ram buai ruangah a rak zam mi hna cu BCM, AGS-Service Rev. R. Lalbiakliana, Project coordinator, Relief &Development in Nu Lalfawnveli, Production Assistant Pu C.Lalengkima hao in Pawngpui ‘S’, Phawngpui ‘N’, Thingsai le Cherhlun Area hna tlawn pah in bawmhnak an pek.

Covid-19 zawtnak a um lio a si caah ralzam hna hi an umnak hmun tiang kal lo in an Area pastor le hruaitu kut ah thlacamnak he pek a si. BCM news nih a tarlangh ningah Phawngpi ‘S’ Area ahhin ralzam chungkhar 48 le minung 695 an um i bawmhnak rupees 15000 pek a si.

Phawngpi ‘N’ Area ah a umlio mi miung 656 caah bawmhnak 20000 le Thingsai Area ah ralzam 185 an um i bawmhnak tangka 2000, Cherhlun Area ah a ummi chungkhar 22, minung 96 caah bawmhnak tangka 21760 pek a si tiah theih a si.

Mah BCM pastor Area 4 ah ralzam um zat hi mi 1632 a si i, bawmhnak tangka an pek mi hi India tangka in Rs.76,760 a si.

Source: mizobaptist

Relchap:  Thal Ruah A Sur.

Thal chuah in nihin ni tiang Hakha,Mie peng khua cheukhat cu thal ruah a sur lo caah lungrethei ngai in an um hna,an cinthlak ti le rawl an kho,kho lo nain chawlkawn a zat caah khuami lungrethei in an um hna. Ni hin April 29 ah Hakha Mie peng khua cheukhat ah ruah fak ngai in a sur i rial zong a tla ruah a fak ngaingai tiah khua mi hna sinin thawng kan theih.

Ni hin April 29 thal ruah a sur hi a voikhatnak ruahsur a si, voi dang ahcun thli a hrang ni khua a dawm ruahsur a tim ko nain a sur taktak lo.

Crd- The Chin Post.