Mah fawrh felnak bia hi theih peng ko nan caah tha damnak le thanchonak lian bik hram thawh nak asi,

Mah fawrh felnak bia hi theih peng ko nan caah tha damnak le thanchonak lian bik hram thawh nak asi,

Mit in kan hmuh tawn hna nih hin mi ahruai sual bal lo, chunglei ruahnak nih hin mi ahruai sual deuh twan,

Thangthat nak in nava bawmnak kha man angei deuh, Chawva tampi nak in lawmnak muisam kha hmuh anuam deuh,

Minung cu a bia chim-ah silo in a thil tuahmi ah a mizia a lang deuh tawn,

Bia tampi ngai tawn law, bia thli tampi ichinchiah ko,

Theih/rel tam hi fimnak asi, chim tam belte hi cu buainak hramthawh asi,

Buainak hrelh khawh ding in ralring le isum pah len in  na nun hmang law; mi dang hna nih an zumh ngamnak le zumhtlak sinak hlawh chuak tawn ko,

Mi tampi chawnh law, fimnak tampi cawn ko, mi dang hna lungthin teitu si ding ah cun, na duh lei phun nak in an duh lei phun kha nan chiah pawimawh thiam kha biapi in chiah law, mi nunzia cawn peng law asi nain felnak le fimnak longte kha fir piak ko,

Nunzia cawn huam mi poh nih nun ning zia an thiam tawn,

Mit zia theihthiam law, Bia chim ah i-bum/thlenter bal hlah,

Bia chim cu ral atha ko, asi nain, mit zia belte cu iphehnak kawl in a buai tawn,

Nun zaidam le lungthin kau ngeih ning fawi bik cu, hi bantuk mizia put tampi a kawm tawn timi hi theih peng ko,

Lungthin hriamhma ngei cu theihthiam in bawmnak le fawrfel nak nih a tei tawn, zawt fahnak cu timnak taktak nih adamter khawh tawn,

Vawlei cung ah tih anung bik mi minung cu, mah le kan sinak bantuk in lang ngam lo mi hna hi an si,

Mi cak/thawng le a uah mi cu, thazang si lo in thluak ralringtein hmanglaw thatnak le fimnak in tei izuam tawn ko, amah nak in na fim zia an theih peng ko cang lai,

Dawtnak hi lente celhnak ground asi timi hi philh bal hlah, sport mi ralring peng bantuk in, tei asi hnu zong ah ralring peng hi minung ah ahertuk mi thil asi caah tuah ning thiam itim peng ko,

Sport nak ah min thang le I uah phun nak si lo in, discipline ṭha le dawh ngei khawh mi kha biapi deuh, na tluk zong ah teinak hmuh ding in tho than law dawh ngai in cawlcang than ko teinak nan gah pin ah midangtu nih an cawi sang te lai,