Mah Ka Hin Fiang Tein Zoh Khawh A Si (VIDEO).

CDF nih SAC Helicopter an kahmi a si. Kan Pasaltha hna hi an rak men lo, Meithal bak in Helicopter hi an kah si dawh a si. Helicopter zong an kah khawh ahcun kan pasaltha hna hi meithal kah an thiam ngaingai ko. A tang bak ah CDF pasaltha hna nih ralhrang vanlawng an kah mi van zoh.

VIDEO https://www.facebook.com/william.hrangsai/videos/6228870873811478

Video Credit : Salai Williams Hlawnceu

Hakha Circle Council Cathanh, Letter No: 1/2023

26 January 2023, Hakha Circle Council cu CDF – Hakha Council ṭhithruainak tang ah a um i, zatlang uknak circle pali hna lakah Hakha khuachung circle, zatlang uknak a si. 10 September 2021 ni ah, zatlang uknak rak ser mi cu pehzulh in Hakha Township People’s Conference tuah hnu ah ser a si i nihin caan tiang ah tazacuainak siseh, a dangdang zong tawlrel mi le tawlrel lio mi an um cang. Cucaah Hakha khuachung um mizapi nih a tanglei cachuah ning in nan kan zulh piak nak lai upatnak he kan in thanh hna.

1. Hmun le Vawlei Kong: CDF – Hakha Council nih, “1 February 2021, Min Aung Hlaing le a ralkap nih hramhram in uknak an lak hnu ah hmun le vawlei i cawk/zuarh lo ding,” in cathanh a rak chuah cia bantukin 1 February 2021 hnu ah hmun le vawlei i cawk/zuarh mi pohpoh cu dotla an si lo.

2. Dum/Lo Tuahnak Kong: Hakha khuachung siseh, a kiangkap siseh, dum le lo tuahnak hmun a tam. Dum le Lo a tuah mi nih mah le hmun ah i hak beh le i lak beh lo ding a si lai. Dohthlennak a dih tikah a herhning in zohfelnak tuah le rianṭuan a si ṭhan te lai.

3. Sianginn Kainak Kong: Dohthlen lio caan ah ralhrang uknak tang ah a um mi sianginn kai lo ding in cathanh rak chuah a si bantuk in ralhrang uknak tang a um mi sianginn ah sianginn a kai mi poh cu Hakha Circle Council zong nih a cohlang lo i dohthlennak a dih hnu zong ah pehzulh in hnon a si lai.

Mayor, Hakha Circle Council , Hakha, Chinland

Credit : HCJ