Mal Sawm Sang Nih Moses Nunnak A Chanh Ning Cu A Pasal Kho Tak Tak.

November 28 zaanlei ah khan Lalmuankim fapa Malsawmsang le a hawipa nih mi nunnak an chanh khawh. Mal Sawm Sang le a hawile nih hin mawtaw lam an kal lio ah Lunglei,Pukpui Mawtaw a rawk cangmi chiah nak cung i ummi Moses mei nih a laih lio mi cu an kut bak in an chanh khawh. An chanh ning an ral tha kho taktak. A tanglei ah tling deuh in van rel.

Mal Sawm Sang le a hawipa nih Moses mei nih a laih lio an hmuh mi cu a ran nak in Mal Sawm Sang nih hin mi dang va chim ding in a fial. Cu kar lak ahcun Mal Sawm Sang nih hin a mah lawng bak in Moses Mei nih a laih cuahmah lio mi cu a kut lawng bak in a chan. Mal Sawm Sang nih hin Moses mei nih a laih lio mi cu a bawngbi ah a kut bak in heh tiah a dok hnu ah har ngaingai in a nunnak a chanh khawh.

Hi bantuk in mah hawile zong silomi mah nunnak tiang ttihnung in chiah i mi nunnak chanh cu uar a um bak ko. Award an pek te hrim hrim ko lai. A ropui tuk hring hran ko.

Source : MSR

(Mah capar hi van rel chap) Tuzaan Hakha Sweet December an hmannak cu a ropui kho tak tak. Tuzaan hi 2020, December thla donnak zan a si bantuk in Hakha, Chin State lei thawngpang le cawlcanghnak tete zong kan langhter pah lai. The Hakha Times tawlrelnak in tuzan hi sunglawi tak tak in Sweet December an dong hna. Biachim ding ah kan upa te hna an sawm. Cun hlasak lei siseh thil dang dang zohternak in caan an hmang. A sunglawi tak tak.

Kum dang ah media dang pawl nih tuzaan bantuk thil hi an langhter tuk lem lo. Tutan ah Hakha Times hna nih an langhtermi hi a sunglawi kho tak tak. Zoh an nuam law law khi a si. Live video a tanglei bik ah a um lai. Link na hmeh lai i na zoh khawh lai. Zoh an nuam law law.

Tukum Christmas le Sweet December caan te Hakha le a pawngkam zong aa dawh kho tak tak. Mei dawh tak tak in an tamh i zoh a nuam ngai. Kan nih Laimi zong kan thangcho chin lengmang i a sunglawi tuk ti khawh a si. Tuzan Sweet December Hakha i hmannak video link cu a tanglei ah a um lai. Van bih ve.

Hi video link hi hmet law,nan zoh khawh lai.

https://www.facebook.com/hakhatimesdailynews/videos/1072686053176935

(Mah capar hi van rel chap) Kan Lainu hlasakthiam ngaingai simi Esther Dawt Chin Sung cu Wikipedia bak nih a konglam a tial ve. Kan lawmhpi tuk hring hran ko. Hi bantuk in kan Lainu konglam Wikipedia ah rel ding a um ve tik ah lawmhpi lo awk hrim a tha bak lo. Laimi phun aa kan cawisang tu pakhat a si caah upat awk a tlak kho taktak. A tanglei ah tling deuh in van rel.

Wikipedia hi Laimi tampi nihcun kan theih men lai. Asinain a thei lomi kan um sual ah a tawinak in mah ti hin kan van hrilhfiah lai. Wikipedia cu cauk tha tha kan cawkmi kan rel tawn bantuk in online chungin cauk pakhat a si ve. A sullam cu Website ngan taktak mi asi ve. Cu lawng siloin zumh awk tlak ngaingai mi a si fawn. Ca cawng lio mi nihcun nan theih ngai lai, Wikipedia ah hin ca an cawn lio mi an theih thiam lo mi zong an zoh peng nak a si fawn. A fawi nak in chim ahcun cauk bantuk khi asi. August 2020 thla ah khan vawlei pumpuluk website minthang bik le lar bik 15 an thim mi lak ah ai tel ve fawn.

Wikipedia nih Esther Dawt Chin Sung konglam a tial mi cu a tawinak in tlawmpal kan van langhter lai. A tanglei bantuk hin an van tial.

Esther Dawt Chin Sung hi 20 February 1998 ah a chuak mi a si. Burmese hlasakthiam le songwriter asi. Myanmar Idol season 4 in a ram mipi nih an theih hngalh mi a si. Esther hi nu ah Myanmar Idol ngah hmasabik asi. Cu lawng siloin Esther nih hin kum 2017 ah khan Chin idol zong a rak ngah cangmi asi. Cun National Performing Arts Competition zong ah winner rak ngah cangmi a si.

Esther Dawt Chin sung hi Chin state khualipi Hakha khua ah chuak i tthang lian mi asi. Esther nih hin nau (pa pakhat) le nu pa2 a nei. Yangon University of Economics in Graduate mi asi.” tiah an tial. A konglam tampi an tial mi a um. Asinain kha vial kha a tawinak in kan van langhter. Kan Lainu Esther hi a men bak lo. Uar um law law khi si. Wikipedia tiang nih a konglam an tial tik ah uar lo awk hrim a tha lomi asi.

Source : Wikipedia