Manipur ah Aadhar card atuh/daplicate ngeih ruang ah kawlram minung 24 an tlaih hna tiah thei asi,

Myanmar ram Sagaing region, Tamu khuapi in ara mi Manipur state ah riantuan ding in akal mi hna, India Aadhar Card atuh/daplicate ngeih asi mi minung 24 hna cu Moreh Gate ah 6 October 2021 tlaih an si tiah theih asi, mah an tlaih mi hna hi Sagaing region Mungzua khuapi um mi hna an si, Myanmar ram ah riantuan ding a um lo caah, Manipur state lei ah hnipuan tahding in akal mi an si tiah Manipur Moreh Gate ah Aadhar card atuh/daplicate ruang ah an tlaih mi asi tiah an mah chung mi pakhat nih atu bantuk achim mi a si.


Kan theih cang bantuk in minung 24 hna an tlaih mi chung ah Nu le ngakchia hna zong an tam ngai tiah thei asi, Aadhar card atuh/daplicate an ngeih ruang ah case afak deuh ko lai tiah chim asi, atu bantuk in myanmar in Manipur ah riantuan ding in akal mi hna hi, Card atuh an ngeih ruang ah hin Churachandpur khuapi ah hnipuan tahnak ding hmun ah achaeu hna zong Palik hna nih an tlaih chih tiah riantuantu pakhat nih atu bantuk in achim than mi asi.


Nizan ah khan rian an tuannak hmun ah Polik hna nih an check hna, nizan zing zong ah palik hna an ra than an ti, mah Aadhar card atuh/daplicate an tuah mi cu, aho nih dah an tuah piak timi an hlatthlai lio asi ati, Atu ah hin Manipur ah hin Myanmar lei minung 500 hrawng an um cang tiah theih asi, mah caah cun atu lio palik hna nih mah bantuk card atuh ngeih mi hna kawl in an vak cuahmah asi tiah an chim, cu bantuk in September 30 2021 zong ah khan India Manipur Imphal Airport ah Delhi ah kal ding mi kawlram lei minung 14 hna cu Aadhar Card atuh/daplicate an ngeih ruang ah tlaih asi fawn hna.