Matupi le Mindat karlak ralhrang motor 80 leng akir mi hna cu atu tiang an chuak kho rih lo ni hra asi cang CDF hna he idoh/kah asi peng rih ko,
Matupi in achuak mi ralhrang motor 80 leng hna cu atu tiang lam laklawh ah atangrih ko, an tlun lei hi CDF hna he idoh peng khi asi rih ko caah mah ralhrang motor hna cu atu tiang Mindat lei ah achuak kho rih bak lo khi asi, nihin tiang mah motor hna cu ni 10 deng mang an sic ang tiah CDF lei thawngthanh nak nih arak langhter mi asi, Cun Mindat lei CDF zong nih anrak doh/kah ve fawn tik ah an chuak khi rih bak lo tiah Mindat CDF lei in thawng avan thanh ve fawn, kan hnu lei ah mah ralhrang motor hna hi 90 leng asi ko nain atu ah cun motor zong 10 deng mang CDF nih an hrawh piak cang khi asi tiah CDF Mindat lei nih atu bantuk in thawng arak thanh mi asi.
Mah idoh/kah nak ah hin ralhrang pawl zei maw zat nih hriamhma an ngeih pin ah adang zong nih hriamhma an ngei caah can saupi hnu ah Mindat Hospital ah anrak phanpi khi asi, cun athi mi zong tampi an um tiah report nih alanghter chih fawn, Atu ah hin ralhrang motor 80 leng akir than mi hna hi an timh ning in thil an kal khawhpi lo caah an buai ve bak ko cang khi asi an ti fawn, duhsa duhsa tein an kal tik ah, CDF hna zong nih anrak bawh vet awn caah an duh ning in an cawlcang kho thlei lo tiah thawngthanhnak nih alanghter mi asi, Min dat le Matupi karlak ah hin ralhrang lei ah an Officer athi mi zong an um, ralkap zei maw zat an thi, cun motor mawng driver zong atling tilo tiah Min dat khua chung ah um mi pa pakhat nih atu bantuk report a pek fawn khi asi.
Matupi base ah a um mi Ralkap Bawi Thein Htun Aung cu suspend asi tiah theih asi, amah aiawh in Aung Myat Htun cu tawan pe kasi tiah theih asi, mah an thil tuah mi hi, Matupi le Mindat karlak ah idoh/kahnak kong ah ral an sung caah Ral Bawi Thein Htun Aung hi suspend asi tiah CHRO nih cathanhnak ah alanghter mi asi.
credit. the mindat post#CHRO
Nihin Chin ram thlanglei thawng pang thil cang mi le Mindat Matupi kar lak ralhrang pawl dir hmun hna cu,
Atu lio Matupi thil umtu ning ah ralhrang le CDF idoh kahnak ruang ah cun Matupi khuapi chung ah Group 4 hna ah ti/water din/ei ding a um ti lo tiah thawngpang theih asi, mah thawng pang hi atu bak te ah arak chuak mi asi, rua zong asur rih lo caah, tiva ti hna zong a ro dih cikcek pin ah ti an laknak pipe hna zong hrawh dih asi caah fak nawn in mipi hna nih harsatnak an tong lio tiah theih asi, mah ti laknak pipe hrawhtu hi aho te hna dah asi timi thei khawh rih lo khi asi, ti chiahnak tanky pawng ah aho hmanh kal ngam asi lo tik ah atu ah hin ti kan hmuh lo nak zar thum hrawng asi cang tiah khuachung um mi hna nih an chim ning asi, asi, tiva hlat deuhnak ah ti hna an cawi ko, cheu khat hna nih motor he ti anva zuar tiah theih asi fawn.