Military council nih ralkap an ngeih tlawmtuk cang ruang ah Nu hna zong ralkap ah luhnak ding lam ong piak,

Military council nih ralkap an ngeih tlawmtuk cang ruang ah Nu hna zong ralkap ah luhnak ding lam ong piak,

Military council hruaitu Commander-in-Chief Min Aung Hlaing nih cun, ralkap thi le hliamhma ngei atam pin ah CDM ah alut mi tampi an um ve fawn ruang ah cun, idohnak lei ah ralkap an iza tilo timi cu, an chim lo hmanh ah theih khawh asi cang, mahruang ah cun atu ah ralkap luh ve khawhnak ding ah Nu hna caah lam ong piak khi asi, Nu hna zong nih raldohnak hmun ah kalter tim lio asi, mah thawngpang hi media lian pakhat Mya-Waddy news paper-ah recruitment advertisement an chuahter khi asi, Nu pasal ngei lo kum 18-25 karlak hna cu, ralkap female soldier ah lut ding in auh cuah mah lio asi tiang thawngthanhnak ah langhter asi.

Ralkap trainning ding hi thla 4 chung ngeih asi hnu ah, Army, Air-force le Navy lei ah kalter an si lai, Nu ralkap lut ding hi t uhlan ah cun University dih graduate hi an lak tawn, atu ah cun zeihmanh thiamnak ngeih thengtheng graduate aherh lem ti lo khi asi, taksa rit/weight lei kilogram 45 an tling ah cun lut khawh dih asi cang,Nu ralkap hi t uhlan ah tlawm pal cu kaya State-ah hin hmuh tawn asi, pin ah Army Headquarters lei ah Signal, clerk le Nursing Assistant rian riantuanter deuh khi asi, atu ah cun Nu ralkap hi hmailei front line ah an kalter ve cang lai tiah report ah langhter asi.

Army recruitment lei hi ralkap hna nih 2021 February thla ah, nawlngeihnak an lakh nu ah hin athi mi le hlaimhma ngeih ruang ah ral doh khawh tilo an tamtuk cang pin ah, CDM ah lut mi zong zei maw zat a um cang tiah news site ah kanrak theih tawn bantuk kha asi, Officer Training ding zong ah halnak Application pek mi an hmuh ti lo kha asi, The military council nih cun, ralkap officer nupi hna zong military training ngei ding in nawl pek arak chuah cang kha asi, mah hmanh ah khan an duh ning in tlam atling kho lo kha asi fawn, Min Aung Hlaing alung retheih bak ko cu mu!!

A hnu ah cun lung arualpi mi USDP Union Strength and Development Party member hna zong an member-hna cu, ralkap pension cang mi hna he tangrual tiin, “Pyu Saw Htee Military Force” dir ding in nawl pek arak chuah kha asi, Pyu Saw Htee Military Force zong an cawlcang nak ah thi le hliamhma ngei an tam ngai fawn kha asi, Min Aung Hlaing caah san tlainak angei tuk lem lo tluk khi asi fawn, atu ah thil dang zeihmanh Idea angei ti lo caah, Nu hna ralkap luh khawhnak lam ong piak than asi ko.

National Unity Government nih cathanh an tuah nak ah an langhter mi cu, Nikum September 7 in Military council ralkap hna hi 20,150 tluk nih thi le hliamhma an ngeih cang pin ah CDM ah an lut fawn hna khi asi tiin report ah langhter asi, Military council ralkap hna hi kum 2021 hramthawh hrawng ah khan cun, ralkap 300,000 le 350,000 kar lak hrawng hi an ngeirih bantuk in alang ko tiah chim taw nasi, atu ah hin cun Air Force le Navy hna he an dih lak fawnh in, ralkap 200,000 hmanh an tling ti lo, ral doh khawh ding ah cun, ralkap  100,000 hmanh an tling ti lai lo tiah Analysts mithiam tuaktan ning asi cang.

Zeitin dah Myanmar Ralhrang pawl dirhmun hi asi lai fiang in chim khawh asi lo hmanh ah, thazang der lei deuh deuh dirhmun asi ko cang timi cu afiang ngai ngai ko, Pathian nih Tlangcung hriam tlai le PDF hna kut chung ah zei bantuk mawhphurnak dah a pek te lai?? Timi hi asi ko cang, thlacam in bawm peng ko usih.