Min Aung Hlaing le an party hna nih an ralkap hna cu saram nunnak he hmanh atluk ter ti lo “War Prisoners” dirhmun achiatuk hringhran Uico thih asi ko e!

Arakan Army (AA) ralkap hna nih an tlaih mi SAC ralkap hliam ngei (War Prisoners) hna cu, AA pawl nih thatein an hlawpbul piak hnu ah, Van lak cang u tiah SAC hruaitu hna an chim hnu ah, mah konglam he peh tlai in U Zaw Min Tun-ralkap hruaitu nih bia a leh ning hi, van rel ve hmanh uh, a rapthlak tuk hringhran ko, minung sinak hrimhrim nih hlutnak man ngei bak ti lo tluk khi asi cang, aho nih dah kawl ralkap ah lut duh ti lai??

U Zaw Min Tun bia chim nak : “Pakhatnak ah ka chim duh mi cu, ralkap aho poh idohnak ral ram ah, ral nih an tlaih mi reng reng cu, an tlaih nithawk in ralkap sinak term (service) a dih cawlh tinak asi, Military Council lei nih cun buaipi le ngaihven zulh nak chan maw? Asi lo ah an caah can alak in hman nak chan a um lo tiah U Zaw Min Tun nih pakhat nak ah achim mi bia asi.

A chim than nak ah mah le mah ralrin le fel lo ruang ah, tlaih an ton mi asi, mahruang ah cun, nihin tiang/atu tiang kan zohkhennak le kan cawmnak vialte hmanh alak in kan dih ko cang caah, Military Council caah le ram ca zong ah alak in tangka tamtuk dihnak men asi, tuhlan ah mah vialte tangka kan dih cang nak cu, apam ko cang zeihmanh santlainak angei ti lo, Cu bantuk tlaih atong mi (War prisoners) reng reng cu tlaih an ton ni in, an ngah ding mi covo vialte hna zong atawp/donghter ve cawlh asi, An dam chuak than hnu ah Military council chunga h anrak kir than asi zong ah, ralrin lo ruang ah le a thla dah ruang ah, hrem an si lai, dan dun cu dan dun asi tiin achim than.

Ral ram ah dirhmun chia bik an tom maw, ral kut ah thi mai ding dirhmun ah adir asi ah cun, Ral kut ah ipek nak in mah le mah ithah/nunnak lak ko hnaseh, akal tak mi an nupi fanau hna nih, ngah ding mi covo hna cu an ngah khawh, pasaltha sinak cawi sangnak pe kasi lai, Cu bantuk si lo in, tlaih an ton ah siseh, an ipek mi hna reng reng cu, tlaih an ton ni lala bak in ralkap sinak le service can adih cawlh ko cang tiin, achim fawn.

Mah bia hramthawh nak cu hi bantuk hi asi, SAC le AA an ithuat lio ah hin SAC lei nih jet hmang in back up an kalter lio van sang in anrak kap kha asi, AA hna kap lo in, an mah ralkap hna cu AA maw tiin an kap kha asi, athi mi le hliamhma ngei tampi an um, an mah ralkap nih akah mi hliam tuar mi hna cu, AA nih cun UN dan dun bantuk tein an hlawpbul/an zohkhenh, medicine an ngeih mi he, ralram chung ah an zohkhen mi asi.

Hospital ah zohkhennak tha an herh caah, SAC an hruaitu hna cu biakchawnh piak in, rak hruai hna ulaw tiah nawlnak atuah khi asi, Ninih thum tiang daite in leh bak lo in an um hnu ah cun, SAC Spokesperson U Zaw Min Tun nih acung ah kan langhter cang bantuk khin, an mi le sa asi ti lo phun in, an hruai/lak lai lo kong in arak leh mi bia asi, mah tluk in minung tuarnak le man ngei lo saram dirhmun he hmanh atluk ti lo mi kawlram ralhrang pawl hi cu, a rapthlak taktak khi asi pin ah, minung lungput zong asi hnga maw??