Chin Mi Thawng

Minung ruahnak akhat lo mi cu Engineer rian kaltak in Taxi driver si ding ah athim mi pa cu,

Minung ruahnak akhat lo mi cu Engineer rian kaltak in Taxi driver si ding ah athim mi pa cu,

Minung nih khua kan ruah mi le thilk an tuah duh mi akhat lo ning cu, mah Engineer pa nih Salary/lahkhah tampi angah tawn mi cu kal tak in Taxi driver si ding ah athim mi cu, kan ruah tik ah hin amak ngai kan ti ceu ko lai, Sihmanhselaw mah mithiam Engineer pa nih vawlei ah thil langhter duh mi angei, mah an thil tuah duh mi cu Taxi driver asinak ah hin fiang tein alanghter bak ko, mahruang ah cun atu lio social media ah arak lar bak nak zong asi tiah news site front page ah an langhter bak mi asi.

Photo blog pakhat ah Humans of Mumbai an timi ah cun kan hnu lei deuh ah khan, Taxi driver anun adang ngai mi cu, Vijay Thakur an timi Engineer degree ngei, a rian kaltak Taxi mawngtu thawng pang hi asi, Taxi a mawng long si lo in zeitik can poh ah, chun zan um bak lo in damlo le mamawh can (emergency) ngei mi hna cu bawm ding in ready peng tawn mi arak si, Nihin ni tiang ah hin Emergency case ngei minung 500 leng hna cu, Hospital ah hruai in an phanpi cang khi asi, atim bik mi cu dam lo mi hna nih an hertuk lio ah, rianrang in hospital an phan khawhnak ding hi, an tim bik mi le acan te ah hospital phanpi in an dam chuah khawhnak ding ah bawmtu si hi atim bik mi cu asi.

A mah biachim mi cu:- “Ka nupi nih cun nau apuai-I nau hrin khawh lo in achiatpi khi asi, a paw fak ati ning cu, za nasi fawn Taxi ara mi poh poh kut phar in ka au hna, nain aho hmanh an dir duh lo kha kalung afaktuk ning le ka lung rethei ning cu kachim thiam lo, mah hnu ah cun Larsen le Toubro lei ah ka Engineer rian cu kaltak in Taxi karak mawngnak asi, Hospital ah kal her mi poh poh cu tangka lak bak lo in ka hruai tawn, ┬ánormal Passenger sin in kan hmuh mi tangka hi thlakhat ah R$s-10,000 hrawng hi ka hmuh ve ko, sihmanselaw ka tim bik mi cu zeitik suimilam le za nasi zong ah dam lo aher mi hna bawm hi asi ko tiah ati.

Ka taxi-acit mi hna nih cun ka card (contact khawhnak) an lak peng fawn, zing suimilam 2-3-4 asihmanh ah emergency an ngeih ah cun akan chawnh ah hin an kal duhnak hmun ah hruai ding in kanrak ready diam cang tiah ka chim tawn, atu bantuk in ka tuah nak chan cu mah hi asi, zing suimilam 2 hrawng asi cang mipa pahnih nih Taxi tiah aka phar I an umnak zawn kaphan ah cun, Nu pakhat hi a taksa cu (75%) hrawng bak hi meikhang asi, akal hmasa Taxi hna cu dir duh lo in akal tak peng khi arak si, ka lung afak taktak ko keimah Taxi chung ah cun chiah in Blanket cu lak in ka pek hnu ah rianrang in hospital nai bik ah ka kalpi cawlh khi asi.

Mah hnu ah cun zeitin dah a um tiin ka hlatthlai ve peng ko adam maw zeitin dah a um tiin, Pathian zangfahnak thawng in dam tein arak chauk khawh khi asi, atu ah cun hwaitha ngai in kan sic ang, mah zan ah thil cang ruang ah khan lawmnak bia arak chim peng khi asi, July 26 tilian ruang ah harnak ton siseh, Mumbai an thuat zan 26/11 chiatnak zong siseh ka tim bik mi cu akan hertu hna cu acan te ah hospital phanpi hi asi, thil zei poh hi tangka long asi lo timi ka zumh, Engineer rian ka tuan lio ah hin thla khat ah Rs-65,000 cu ka hlawh ve ko, asi nain nihin ni karian tuan hi kalawm bik pin ah nunnuamnak ka ngeih deuh ko tiah ati.

Atu ah cun kum 74 ka tling ve cang, holh phun 11 ka thiam fawn, fa zong pahnih ka ngei ve, atu ah hin advanced engineer siin private equity farm-ah an tuan ve, emergency case ngei mi 500 leng hi hospital ah ka phanpi cang, an nunnak chanh asi khawhnak hnga acan te ah, hospital ah kaphanpi tawn khi asi, mah cu ka rian bi kasi ko, dam lo tampi hna nih acan te ah hospital an phan khawh lo ruang ah athi mi zong an um ve peng fawn khi asi caah, kan ti khawh tawk le dam lo mi nih acan te ah hospital kan phan pi ah cun adam fawi pin ah tangka tampi an dih lo khi asi, mahr uang ah cun dam chung in Taxi driver sawh sawh akan ti zong ah lunglawm tein Taxi driver sawh sawh si hi ka pawm ko ati.

Vijay, taxi driver Courtesy : Humans of Mumbai