Mizoram Lei Zong Nih India Cozah Sinah Duhlonak Heh Tiah An Langhter A Hau Cang.

Kan theih cio bangin nizan ralhrang vanlawng hmangin Victoria camp an bomb timi thawng kan theih. Ralhrang nih Victoria camp an bomb mi hi India ram, Mizoram bak in a si tiah thawng kan theih. Mizoram leiin an bomb cu chim lo India,Mizoram chung bak ah an bomb hna a tla, cu lawng siloin an mawtaw thlalang zong a kuai tiah thawng kan theih. Mah cacun Mizoram nih hin India Cozah tangah kan him lo tiah heh tiah duhlonak an langhter a hau cang. Mah ti an tuah lo ahcun Ralhrang nih Victoria zong India lei in an bomb than khawh mi a si caah Mizoram Victoria camp naih tete ummi hna cu an him lo ngaingai. Mizo kan unau caah thut sawh sawh awk a tha ti lo.

SAC nih Camp Victoria a kah ruang ah CNA ralkap 5 an nunnak a liam.

The Chinland Post | 2023 January 11 – CNF/A Headquarters a si mi Camp Victoria cu SAC nih January 10 zaanlei sml 4:30pm hrawng ah Jet vanlawng 5 in voi 5 bom a thlak caah CNA ralkap 5 nih ram le miphun ca ah an nunnak an pek tiah theih a si.

SAC nih vanlawng cu India ramri chung in a rak zuang i Camp Victoria ah bom a thlak hi a si i India ramri chung zong bom a tla ve tiah theih a si.

SAC nih bom thlak ruang ah a nunnak a liam mi CNA nusal ṭha/pasal ṭha hna cu

(1) Salai Van Ro Piang

(2) Salai Duh Tin

(3) Mai Ngun Hlei Par

(4) Mai Sui Len Par

(5) Salai Kil Mang hna an si.

Credit : The Chinland Post