Mizoram Ralzam Refugee hna chung ah iralrin a hertuk cang minchiat le mualphonak a um sual lonak hnga?
An mah Mizoram local people nih thil an hmuh ning le an chim ning karak langhter hmasa ta lai:- Khuachak lei unau hna himnak kawl in kan ram ah anrak lut khi asi, rak zohkhen ding le an herhnak tete ah bawm hi kan rian asi ko, Bawm ahernak poh ah bawm hna u sih, Amah belte cu, duh duh can ah ramri kan/lonh le duh duh can ah lut chuak kal khawhnak nih hin buainak achuahter khawh thil asi caah, ruahnak tha hmang hna u sih tiah mipi theih ding in atu bantuk in chim asi.
Ukraine Ralzam hna nih hin makphek lak cang, facang zun cang tiah duh cangcan ah ramri an lut an chuak bal lo, Tih anung taktak asi ah cun, kan ralzam ngeih mi hna hi ramri ah lut chuak peng hna hlah se, Ralzam an tam hnu ah No-4 aman tlawm zia hna hi biatak tein kan ruah aher ngai ko cang, Lunglei veng pakhat ah an veng Mino/youth nih No-4 kawl in anrak rat ngai ngai nak veng cu, ralzam an tam hnu ah kan veng ah anrak ra tuk lem ti lo, aruang cu ralzam hna umnak zong ah No-4 tuah ahmang mi an tam tiah an ti, an mah ralzam mi nih an tuah mi cu bia dang vasi ko selaw, kan mino hna caah hmai lei ah apoi ko lai ati.
Kan ralzam hna hi an umnak ding hmunhma tuah pia kasi, adang zong tuah piak siselaw, kan bawm fawn lai, nain umnak hmunhma ah nuam an tituk lo hmanh ah, ralzam dirhmun asi ko caah cun tuarzia thiam zong hi an huan ve ding asi, Ram tang hna ah hmunkip ah an vak hna ram tang ah ramhmul thil zuar khawh ding phun hna an lak, upatnak an ngei lo aduh mi poh an lak khi asi, kan ram nih atuar te ko lai tiah ati, An duh ning tein umter hi ahim lo ngai ngai, kan zangfak ko lai amah belte ngamtertuk hi atha lem lo tiah mah thawng pang hi an mah Mizoram local people lei nih an hmuh ning le thil cang mi hna asi.
EXODUS 23:9 Ram dang mi kha nan zawmtaih hna lai lo, nannih zong Izip ram ah ram dang mi nan rak sic aah, ram dang mi si cu zei bantuk dah asi ti kha nan hngalh.
Pumpak chapchih duhnak:- ahram thawh te ah khan vawikhat article karak tial bal cang, ka chim mi cu Chin le Mizo Unau karlak ah thil tha lo tuahtu ruang ah harsatnak aphan sual lo nak hnga tiah, ralzam chung hmanh ah thil tha lo tuahtu hi a um ko lai, amah belte cu thil sual tuahtu an um ah cun aphu tawk an cung ah action lak hi nawl ngeitu hna nih an ti ding hrimhrim asi, mi pakhat thil sual tuah ruang ah mi tampi tuarter tawn hi Upadi ning zong asi lo tiah karak tial bal cang, mah thil cu atu ah hin ataktak in phan dawh asi, ralzam kan si ah cun tangdawr nun he akan zohkhentu hi Nu le pa bantuk in ruah atha ngai, bia ngai tluk ah tha hi vawlei ah a um lo, mah zawn longlong aruat mi hna nih mi tampi tuarter tu arak si theu tawn, bia tak tein ralzam hna nih kan theih ding ah biapi bik cu ritsi/N0-4 tong hrimhrim hi miphun minchiatter nak le mualpho ter nak lian bi kasi caah ti lo bak ding asi ko.
Cre: Moses Pa