Model muidawh sualnak ngei bak lo mi cu ralhrang hna nih luh hnawh in tlaih asi, Nu asi ah cun Nu police hi tel ve ding asi, nain nu police tel lo in an tlaih khi asi,

Muidawh Model asi mi Thein Thein Ko cu nizan Feb 22 ah khan Yangon khuapi Ta mwe ah an mah in chung bak ah kal hnawhhna in an tlaih tiah achung lei asi mi pakhat nih achim, Feb 22 zan lei ah hin an umnak in pawng ah block hruaitu hna le ralhrang hna, police hna he mikhual kan check tiah, model muidawh Thein Thein Ko inka cu kick piak asi, Inka an on piak hnu ah in chung ah lut cawlh asi, mah lio ah Thein Thein nih Video Live in amah page ah alanghter cawlh khi asi, Mikhual kan check lai tiah chim in inka an on piak lio ah ralhrang hna nih Thein Thein aken mi ph- zong an lak piak lio video live ah fiang ngai in alang mi hmuh khawh asi.

Thein Thein Ko hi an chungkhar asi mi anau nu he umti mi asi, nizan an tlaih lio ah khan cun anau pa le a nu arak phan khi asi, Tehin Thein Ko cu an hruai hnu ah nihin zing ah khan ph-chawnh khawh asi ti lo tiah achung lei hna nih an chim, atu tiang hmanh ph-kan chawnh khawh bak rih lo khi asi tiah anu nih achim fawn, pin ah anau nu zong nih atu bantuk thiamthiam BBC sin ah an chim ve fawn, Muidawh Model Thein Thein Ko cu an in ah aliam cang can July 2021 lio ah khan Civil drees he ralhrang hna lut cang in an tuk/velh cang tiah Thein Thein Ko nih Video live nak ah achim chih fawn khi asi.

Atu bantuk in Police Nu tel bak lo in Nu umnak in ah luh phung asi lo timi hi mipi lei zong nih faktuk in an soisel hna khi asi, Upadi kengtu nih Upadi lo in riantuan hi aphung asi lo, mah thil cang mi ah hin vawlei nih theihse tiah an duh ngai ngai tiin achungkhar lei hna nih atu bantuk in BBC reporter sin ah atu bantuk in report a pek mi asi, atu ah hin khawika hmun ah dah an umpi timi hi fiang in theih khawh asi rih lo tiah news ah an langhter chih fawn apoi bak ko.