Myanmar Military council-nih police an ngeih tlawm tuk cang, Police phun 6 hna cu an ngeih ti lai lo stop dih asi,
Myanmar military council nih nawl ngeihnak an lakh nu ah, Myanmar Police Department-ah tuan mi police force hna hi nichiar in an tlawm deuhdeuh khi asi cang ruang ah, Cun mithar lak ding zong an her tuk ko, nain mithar lut duh minung an um tilo caah, Police head office tang ah um security lei riantuantu hna hi police phun 6 hna hi um ti lo ding ah chim asi, Myanmar police head department tang ah, Navy security police, Airforce security police, Tourism Security Police, Oil Security police, Forest Security Police le Highway Police hna cu, stop um tilo ding ah tim asi kong cu Navy Police force (CDM) joint police lieutenant Commander pakhat nih atu bantuk in Irrawaddy news ah achim mi asi.
Mah police force phun 6 hna stop cang ding ah biachahnak cu naite ah khan Naypyidaw police officer hruaitu hna meeting ngeihnak ah biachahnak asi cang tiah theih asi, Home Minister-nih amin sign/senthuh cang hnu ah mah police phun 6 hna service hi donghter asi cang lai tiah thawngthanhnak nih news ah arak langhter mi asi, Kum 2008 Constitution rule ah cun mipi thimtling mi acoyah tang ah, Ralkap lei nih Ministry 3 longte hi direct-in a tlaih lai, Ministry dang ah a rawlh kho lai lo tiin a um mi asi, mahruang ah cun ralkap hna nih Ministry cheu khat hna chung ah ningcang lo in, nawl ngeihnak anrak hmang mi an um timi zong theih asi, atu ah police force phun 6 hna um tilo ding ah stop tuah mi hi thil umzia ngei lo asi, Constitution chapchih naktu khi asi tiah CDM joint Yangon region, Police Information department lei tuan mi pakhat nih achim khi asi.
Myanmar police force-ah hin police tingkhat 1 hrawng um ding ah ruah asi, Nawlngeihnak lakh nu ah cun, Police tampi hna cu CDM joint, pension lak, athi mi le dam lo ruang ah tuan khawh ti lo hna ruang ah cun, minung an tlawm cang pin ah economy lei harsatnak he asi tik ah mah police phun 6 hna hi umter ti lo lawlaw ding ah atu bantuk in tuah mi asi, mah department chung ah tuan lio police hna cu zei tin dah an um lai timi cu an dirhmun fiang in theih asi rih lo khi asi, cheu khat police hna cu rian ngei ti lo an si laicaah an lung adong thin phang in an um ko tiah thei asi, Ataktak ah cun Myanmar police force hna hi minung um ding zat hi an um lo hrimhrim khi asi, aruang cu an department hruitu hna hi corruption ruang ah police ngeih zat ding hmanh an ngei lo khi asi tiah theih asi fawn, ralkap nih nawl ngeihnak an lakh nu ah hin CDM ah lut police 7,000 leng an um cang khi asi.
Myanmar ram democracy dir than ding ah mipi nih faktuk in lamzawhnak an tuah lio ah khan, police hna hman in mipi cu ningcang lo in le sualnak ngei lo hna cung ah kut thlak, tlaih hrem ti bantuk hna ruang ah hin mipi lei zong nih police hna hi ralhrang hmuh in an hmuh caah min chiatnak le mualphonak anrak tuar ve ngai ngai khi asi, thin avangin, Police department cu minchiatnak tamtuk anrak ngei ve cang ruang ah cun, mithar lut ding zong ah aho hmanh nih an lut duh tilo khi asi fawn, Myanmar Military Council caah cun zei hmanh tuah kho lo in a um tik ah, atu ah cun mah police phun 6 hna cu ngeih tilo lawlaw ding ah biachahnak anrak ngeih khi asi, mah vialte hna thil cang mi hi military council nih hma an lak khawh ti lo caah asi tiah, CDM ah um mi police officer pakhat nih atu bantuk in achim dih khi asi.
Ref: Naypyidaw news