Myanmar ralhrang pawl lungthin alang deuh deuh ko cang ram chung project tuah le thanchoter nak in road/lam tha umcia hrawh/chiattertu khi asi deuh apoituk,
Myanmar ralhrang pawl lungthin alang deuh deuh ko cang,
Atu hmanthlak ah alang mi hi Monywa Mungzua khua le khua dang kalnak lam cu, PDF hna nih kalnak ah an hman tiah, lam cu JCB nih lam thatuk mi cu atu bantuk in an hrawhter bak ko hih! Mah hmun hi ralhrang pawl Check Gate umnak hmun asi, mah gate hi PDF pawl nih an hrelh tawn tiah an chiatter mi asi, PDF si lo in mipi tu nih an tuar deuh bak khi asi ko cu mu!,
Mah an chiatternak chan pakhat ah lang mi cu, khuapi khat lei ah PDF hna fawite in anrak luh khawh ruang ah tiah an ti mi asi, mah khua ah um mi hna nih an thar mi thlai hnah le thilri hna cu, khua chung ah arak phur le zuar tawn mi asi, atu ah cun mipi nih fakpi in an tuar ko cang khi asi, Cun mah khua hna nih hin mipi venhimtu ralkap an support ruang ah, an lam than gai mi hi an hrawh/chiatter khi asi fawn, Min Aung Hlaing le a hruai hna nih hin, ram chung mipi le ram hna hrawh le chiatter hi poi an ti bak lo mi asi, minung hi ramsa tluk hmanh an rel lo ruang ah asi.
ASEAN Summit-ah Myanmar ralhrang Min Aung Hlaing tel ve sianh piak ti lo,
Myanmar ralhrang Bawi Min Aung Hlaing cu thla thar Association of Southeast Asian Nations (ASEAN)-nih regional summit an ngeih nak ding ah tel rem an ti lo, Tukum bloc chairman tu, Cambodia nih Myanmar tel ti lo in, ASEAN member ram hna sin ah sawmnak kuat dih asi cang tiah ati, Myanmar ralkap acoyah tiah ati mi nih ASEAN peace plan an pawm khawh lo ruang ah, summit ngeih nak ding ah hin sawm an si ve ti lo, tiin news report ah arak chim mi asi.
`
ASEAN summit vawi 40 nak ah a tel ti lo pin ah 41-nak cu thla thar ah hin Phnom Penh-ah ngeih a si lai, Myanmar-ralkap nih hin an ram khawkhan laireltu bantuk in, ram dang hna pawmpi ding ah an herh ngai ko lio ah, summit ngeih ding ah sawm a si than ti lo nak nih hin, ram dang he ipeh tlainak lam ah a effect a ngeih bak ko lai, Min Aung Hlaing le a hruai ralhrang aiawh hna cu, ASEAN le a dang meeting- hna ah tel khamh anrak sic ang fawn kha asi, ningzah mualpho zong hngal lo.
Cambodia-ah ministry of foreign affairs and international cooperation bia phuangtu, Chum Sunry nih Myanmar cu politics-ah ahnamhnawih lo mi, mi dang kalter ding ah chim pia kasi ati, Gen Min Aung Hlaing hi nikum October-ah regional summit le thla hmasa Washington-ah an ngeih cang mi zong ah, US-ASEAN Special Summit-ah sawm a si ti lo fawn, Ralkap uknak ah foreign minister Wunna Maung Lwin zong, February le August thla ah bloc foreign minister meeting-ah tel sianh pia kasi lo fawn cang.
Meeting-ah hin Myanmar ralkap aiawh hna tel sianh pia kasi lo zong ah, ASEAN cu peace plan ah Myanmar cung ah beisei an hmuh lo pin ah, ram chung ah an cawlcang ning tein an cawlcang rih khi asi ruang ah, soisel aton peng mi asi, Member ram hi Myanmar cunga ah hmalak ning ah ruahnak hmunkhat asi lonak cu, Cambodia nih Myanmar ralkap he ibiakchawmh aduh lio ah, Malaysia nih cun fak deuh in hrem peng aduh ve fawn, Myanmar-ah opposition le civil acoyah, National Unity Government he ibiakchawnh ngeih aduh khi asi.
United Nations General Assembly ngeih cang ah khan Malaysia prime minister Ismail Sabri Yaakob nih ASEAN peace plan tlamtlinnak ding lam a um lo cu hna beidawn bak asi kong achim ve fawn khi asi.