Myanmar ram thimnak Election ngeih ding ah ruahman cu KNU political wing-le mipi tampi nih an pawm lo,

Myanmar ram thimnak Election ngeih ding ah ruahman cu KNU political wing-le mipi tampi nih an pawm lo,

16th November 2022 Myanmar ram ah Karen National Union (KNU) political wing nih cun, ralkap acoyah nih nih 2023 kum ah rampi thimnak election ngeih ding ah, an ruahman cu an pawm lo tiah cathanh anrak chuah, KNU hruainak National Unity of Karen Ethnic Armed Groups-nih Takaw khua ah public meeting an ngeih nak ah, Military pawl nih thimnak tuah ding ah ruahmannak a tuah cu pawm lo kong a chim fawn.

Hi meeting-ah hin Karen armed group dang dang hna, Biaknak lei hruaitu hna le Karen political party hruaitu hna an tel dih hna khi asi, Meeting dih hnu ah cachuah resolution an tuah mi ah, KNU nih “2008 Constitution cu a hram thawh ka in KNU nih cun a pawm lo, ralkap hna nih civil acoyah nawl ngeihnak chuh piak asi hnu ah, ram chung ah chiatnak rapthlak taktak an phanter pin ah mi tampi nunnak aliam cang khi asi ati.

2008 Constitution cu ralkap acoyah hmasa nih politics lei ah ralkap hna dirhmun fekternak ding ah tuah mi asi tiin a chim fawn, Ralkap council nih kum 2023 rampi thimnam ngeih ding ah, an ruahman mi zong 2008 Constitution a thar in nunter than timnak asi tiin, democracy kal ning dik tak in thiamnak tuah/ngeih cu an pawm ko nain, dictatorship thawn/cak ternak ding ah hmalak nak asi mi cu zeitik hmanh ah an support khawh lo tiah ati.

Kum 2023 rampi thimnak ngeih ding ah ruahman hi kum 2021 thimnak ah teinak ngahtu, Aug San Suu Kyi- hruai nak, National League for Democracy (NLD) zong nih an pawm lo tiah anrak chim cang, Myanmar mipi tampi nih cu rampi ithimnak ding cu an pawm fawn lo tiah ati, mah ruang ah cun Military council nih Myanmar rampi thimnak atuah ding mi hi zei ti phun hmanh in pawm khawh asi lo tiin KNU hruaitu nih a chim.