Na Hawi Kha Rak Hrawm Ve.

Na Hawi Kha Rak Hrawm Ve

Zahan ah Paletwa in Hakha ah ka Pu fapa a rak phan. Paletwa ah kahdonhnak a thawk hlan te ah ka Pu le hi an rak i thial cang. Amah pumpak kawlhawlnak in Paletwa Khuapi ah a um caah, a rak i thial ve lo. Nain, Paletwa cu a buai chin, a har chin caah, Chungkhar nu le pa sin a rak i thial than ve [sau tuk a rauh hnu ah]. Cucu, nihin zingka ah ka va leng. MP Hawi Tin te ka rak zul hna i, ka rak phan kho e a ti. Paletwa cu a har ko. Tuan deuh ahcun, kahdohnak thawng, meithal thawng, vanlawng meithal thawng, tbk. hi cat lo in, kan theih lengmang. Zaan riah kan vun ei cang lai maw kan ti lio caan sml. 4 fai hin vanlawng in kah hram a thawk a si. Atu ahcun, a dai nain, a har ngai. Nain, a dangdang harnak kan ton mi cu chim ah a dong hnga lo.

Nizaan nai ah, cozah nih an ukpen khawh lonak hmun deuh, khua tam nawn ah, AA nih facang eidin an kholh tiah CHRO nih ca kan thlah. COVID-19 lio a si caah maw tial awk an ngeih lo a si hnga, Media nih an kan pehtlaih ning a taru ko. Ka thin lehlam a phang pah mi a lo.

Nain, namnehmi le bawmh le dirkamh a herhmi kan miphun le a dang [protecting Chin people, other oppressed and marginalized] hna caah si khawh tawk tuah mi cung ah lunghmuihnak cu ka ngei ko. Cucu, Media i an rian a si bang, khat lei chim mi le khat lei chim mi tonh lengmang kan si. Ahodah a dik, hodah a deu timi chimter lengmang a si. Atu zong ah, an nih lei nih cun, an palh lonak an i chim than.

An kan hal tik ah, kan chim theo mi pakhat cu AA pawl nih Kantlang (Kin-ta-lin) khua mi a sawm in an tlaih hna lio ahkhan, kan tlai hna lo tiah an rak i pheh. Nain, cucu pawl an rak luat than tik, a tli le mi nih an chim tik ah, AA chimmi cu an lih lawngte a si kha nan theih ko cuta ka ti tawn hna. Nain, News ahcun a lang tuk tawn lo. A si khawm si ah, thil sining dikfel le vawleipi nih zeidah a cang taktak timi hngalh khawhnak ding ah a lam kip in zuam cio ko hna u sih! Na hawi rak hrawm ve!

Credit : Sang Hnin Lian