Na Lung A Leng Ve Tawn Maw?(Video)

USA le Australia le Foreign hmun dang dang i a um mi hna Kan Lai tlang video le hmanthlak nan hmuh tikah nan lung a leng ve tawn maw?. Vawlei tthang cho zel ah mi rum ngai zong nan si kho men, nain kan lai tlang vawk le ar leng i an tlawn vah lio lawng na hmuh zongah hin na lung leng ve tawn in ka zumh.

A tu cun USA le Australia na um cang i meh thaw thaw zong na ei peng ko lai, nain na chungkhar le he sifaak bu te zong i anthur ti hang nan din tti lio te kha van ruat law, na lung leng ve tawn maw?

A tu cun hnipuan ttha ttha zong na tuah ko lai i, si hmanh sehlaw hnipuan a tlek mi te na tuah lio kha na mit thlam in van cuan law, na lung a leng ve tawn maw?

A tu cun ek inn ttha ttha le ti thian naak hmun ah na um cang i, si hmanh sehlaw Lai tlang na ek inn arfi zohnaak um mi te kha na mit thlam ah van cuan law na lung a leng ve tawn maw?

A tu cun nun nuam te in na um zong a si ko lai, nain sifaak te i chungkhar le he nan um lio caan kha ruat cio tuah ulaw nan lung a leng ve in ka zumh, cu pinn ah ttha te i na ruat ahcun Bawipa tthat ning na theih bak lai i, Bawipa dawtnak kha fiang tein na hmuh lai caah thangtthat lo cun na um kho hrim hrim lai loh.

Tha te i kan ruat tawn lo caah hin Bawipa vel ngeihnak le a dawtnak zong hi kan thei tawn loh, a poi tak tak. Cu caah cun Bawipa dawtnaak kha ruat cio ulaw, thangtthat tu kha i zuam cio hna u sih. Video tawi te hi rak zoh ve tuah.

 

Leave a Reply

Your email address will not be published. Required fields are marked *