Ngakchia Nu Te Ti A Paam Mi Cu Hmuh A Si Cang.

Mizoram, Dapchhuah ti a paam mi ngakchia nu te Lalnunthari cu tu zinglei suimilam 9:00 hrawng ah khan hmuh a si cang. Bawipa nih mithi chungkhar umpi hram ko hna seh.

Nizan date 7.9.2019 , Suimilam 1:00pm to 2:00pm hrawng ah khan Mizoram, Dapchuah khua ngakchia pa3 Rebecca Lalnunthari Kum 4, Lalruatsangi Kum 4 le Lalenkawli kum3 hna cu an i dai hna i, an hnawmh dih caah Dalpui tiva ah i thianh dingin an kal. Lalnunthari nih hin a phanah cu ti ah a thlak sual. A phanah char a timh caah vanchia ngaingai in ti ah a paam hi asi.

Lalruatsangi hi zualko dingin inn lei ah a va tli colh i, Lalruatsangi nih hin ti a paam nak hmun ah a mah tein a rak hngah peng ve. Lalnunthari pa hi lo ah a kal lio a si caah inn ah a um lo. A nu siseh bazar a kal lio te asi fawn. Mah cacun an inn pawng i ummi Pu.Rema an timi cu ngakchia nute nihcun a va chimh. Mah hnu cun a khua in an chuak i ruak kawl dingin an kal colh.

Dapchuah khua mipi nih an kawl cuahmah ko nain an hmu kho bak lo. Tu zinglei suimilam 9:00am hrawng tu ah khan a ruak hi hmuh asi cang timi thawng an van thanh.

Hi ti zoh i ngakchia te an siko mi, puitling bantuk te in an cawlcang timi van hmuh tik ah mi tampi nih mak an ti ngaingai, khuaruahhar bak khi asi ve. Mithi chungkhar Baiwpa nih umpi hram ko hna seh.

Source : MSN

Leave a Reply

Your email address will not be published. Required fields are marked *