Nihin Myanmar Kachin state thawng pang theih cu a rapthlak ko, Kachin Unau pawl zangfak taktak khi asi, kum 62 tlinnak puai ah Jet 3 in thuat an si!!
Nihin Myanmar Kachin state thawng pang theih cu a rapthlak ko, Kachin Unau pawl zangfak taktak khi asi, kum 62 tlinnak puai ah Jet 3 in thuat an si!!
Kachin ram Phakant pawng A Nang Pha hmun ah, October 23 zan suimilam 8:00PM hrawng ah, KIO Kum 62 tlinnak Anniversary ni an hman lio ah, ralhrang ralkap hna nih, Jet fighter pa 3 he anrak thuat/kap thut/suddenly ruang ah, Kachin hlasak thiam milar pa 4 le civil mi 30 leng hna cu, hliamhma ngei le thi an um kong Kachin News nih cun anrak phuang khi asi.
Atu bantuk in ruah lopi in ralhrang ralkap hna nih anrak thuat/kah nak hmun hi, Phakant ram ah KIA Battalion N0- 9 A Nang Pha hmun a si, mah an thuat/kahnak ah hin hlasak thiam milar hna, sumdawng mi hna, KIA hruaitu sinak sang taktak ngeih mi hna le Civil minung hna zong tampi an um hna tiah theih asi fawn.
Hliamhma tuar mi hna hi Phakant Hospital ah hruai khawh asirih lo, Hospital kalnak lam ah hin, ralhrang ralkap hna duty nak hmun a um fawn ruang ah, Cu duty nak hmun cu KIA control khawhnak hmun asi phak lo asi fawn, Tuzing zong ah khan Moh Mauh le khua dang hmun hnih Pha Kant pawng hrawng ah, Jet fighter he an thuat/kah peng rih tiah chim asi.
A tu ah hin mithi le hliamhma ngei zat hi afiangrih lo, KIA zong nih alak in tuar cu an tim ve bak ti lo, atu ah hmun kip an mah camp umnak hmunhma hna tiang thawng an thanh ve cawlh kha asi, Kachin state ah hin Boruak asang than te lai khi asi, Ralhrang hna nih hin vawlei tang hmun idohnak ah hin, thazang an ngeituk lem ti lo ruang ah, ramri le tlangcung hriam tlai umnak hmunhma hi Jet fighter hmang in an thuat/doh hi pawi tinak angei ti lo.
KIO nih kum 62 tlinnak Anniversary puai nuamte in an tuah lio bak ah, ralhrang pawl nih zeihmanh dan/dun upatnak ngei bak lo in, Terrorist cawlcang phun in an thuat mi hi, media hna zong ah an soisel ngai ngai cang hmanh ah umzia angei lo kha asi, UN le Asian Group zong nih vawi tampi an chim piak cang pin ah sanction an tuah ko hmanh ah atu tiang point pakhat te hmanh an zulh khawh lo khi asi, Min Aung Hlaing nih minung lungput zong angei ti lo, an duh ning in ram ahruai ko cang cu mu!!