Nihin ni tiang Kawlram dirhmun ah ralhrang athi mi le motor tampi hrawh piak asi cang caah ralhrang hna bawmtu ding ah Coast Guard an dir ter,

Myanmar ram chung ah civil war zong boaruak asang chinchin cang bantuk in, Military lei ralhrang hna zong athi mi an tam deuh deuh ve fawn khi asi, Coast Guard zong adang tein dir asi, mah hna cu Navy zohkhennak tang ah chiah asi, Coast Guard an dirnak chan cu military ralhrang hna hi athi mi atamtuk cang caah, mah long si lo in khuapi chung ah buainak atam chinchin tik ah, ralhrang hna hi anizat tilo khi asi cang, bawmtu ding ah tiah Coast Guard hi dir asi tiah an ti, Chin state chung cu miphun ralkap hna nih an teituk hna khi asi, atu lio ralhrang hna tampi cu Gangaw, Pakhohku, le Kalemyo in anlut lio tiah thei asi, cheu khat chim ning ah cun, mah hrawng nawlngeitu “North western command tu” commander brig Gen. Phyu Thant zong nih mipi ralkap support tiah puh ruang ah an tlaih tiah media ah langhter asi.

Atu ah hin miphun ralkap le military ralhrang idoh kahnak ah hin ralhrang hi minung 5000 deng mang an thi cang tiah news site ah tar lan asi, Military hruaitu hna zong lung akhat ti lo caah an mah chung ah dan/dun kalpi ning ah rian akal kho lo tiin an chim hna fawn, Atu ah commander thar nih Chin state chung control tim in hmalak lio asi rua, civil mi zong athi mi an tam pah ko, aruang cu miphun ralkap an tei lo tik ah mipi sualnak ngei lo chung ah Military hna nih kut an thlak ti awk khi asi, meitahl lian he khuachung hna an kah sawh sawh khi asi cang, military tang ah VCP tibantuk hna hi “Dalan kawhtu” asi mi hna cu miphun ralkap hna nih an hrem ve bak ton khi asi.

Ralhrang lei zong nih an zum lo deuh mi hna cu an tlaih ve peng khi asi, khat lei khat lei ithah veve khi asi deuh ko, Ni fatin tein hmun dang dang hna ah idoh/kah peng khi asi fawn, atu lio ah cun Chin ram chung, Karen ram chung, Shan ram chung hna ah mipi ralkap le military ralhrang hna hi an idoh kah biknak hmun asi, ralhrang hna zong Chin ram chung hmanh ah motor tampi an sung cang timi cu kan thei ceu bantuk asi, Military ralhrang hna zong hi an duh ning tein khuachung hna ah anvak/kal ngam ve tuk lo khi asi, Ambush ton ve leng mang caah an zalong ve thlei lo khi asi, atu dirhmun tiang ah cun military ralhrang hna hi minung le motor hna tampi an sung leng mang khi asi, thlacam in kan miphun ralkap hna hi bawm rih ko u sih.

Pompeo “Nixon Foundation Award” an ngah nak cu, Mike

US Secretary of State hlun Mike Pompeo & Former security advisor Robert O’Brient hna nih cun Abraham Accord – Israel le Arab ram 3 hna cu rem daihnak ah riantuan tha le Serbia-Kosovo economic normalization caah, an riantuan atha tuk ruang ah cun, cawisangnak le upatnak laksawng “Nixon Foundation Award” pek arak si, lawmpi um tuk khi asi.